ភ្នំពេញ ៖តមតាមការអញ្ជើញរបស់គណបក្សកុម្មុយនិស្តចិននិងអង្គការអាយកាប់(ICAPP)មន្រ្តីជាន់ខ្ពស់គណ
បក្សហ៊្វុនស៊ិនប៉ិចអញ្ចើញទៅចូករួមប្រជុំស្តីពីការអភិវឌ្ឍន៍បៃតងនិងរួមគ្នាកសាងអាស៊ីមួយដែលល្អសោភ័ណ្ឌ
នៅទីក្រុងស៊ីអានខេត្តសាន់ស៊ីនៃសាធារណៈរដ្ឋប្រជាមានិតចិនកាលពីថ្ងៃទី៣០ដល់៣១ខែឧសភាឆ្នាំ២០១៣
កន្លងទៅថ្មីៗនេះ។
វត្តមានគណប្រតិភូគណបក្សហ៊្វុនស៊ិនប៉ិចដឹកនាំដោយលោកកែវពុទ្ធរស្មីប្រធានឧត្តមក្រុមប្រឹក្សាជាតិ និង
ក្រុមប្រឹក្សាវិន័យនៃគណបក្សហ៊្វុនស៊ិនប៉ិច អមដំណើរដោយលោកហ្ចាក់គីសែចិន ឧត្តមក្រុមប្រឹក្សាសេដ្ឋកិច្ច
គណបក្សអ្នកអង្គម្ចាស់នរោត្តមរស្មីពនិតាសមាជិកប្រតិភូ។សន្និសីទដែលរៀបចំឡើងដោយគណបក្សកុម្មុយ
និស្តចិននិងអង្កការអាយកាប់នេះមានគណបក្សនយោបាយចូលរួមចំនួន៥៧មកពីប្រទេសអាស៊ីអាមេរិកឡា
ទីននិងអាហ្រ្វិកចំនួន៣៣ប្រទេស។
សន្និសីទ(ICAPP)លើកនេះបានពិភាក្សាប្តូរយោបល់គ្នាលើបញ្ហាអភិវឌ្ឍន៍និងឱនភាពនៃបរិស្ថានដែលកំពុង
គម្រាមកំហែងមនុស្សជាតិទាំងមូល។ជាមួយគ្នានោះដែរលោកប្រធានឧត្តមក្រុមប្រឹក្សាកែវពុទ្ធរស្មីនឹងគណ
ប្រតិភូគណបក្សហ្វ៊ុនស៊ិនប៉ិចក៏បានអញ្ជើញចូលរួមការប្រជុំគណៈកម្មាធិការអចិន្រៃ្តយ៍អាយកាប់(ICAPP )
លើកទី១៩ក។
ក្នុងកិច្ចពិភាក្សានោះលោក កែវ ពុទ្ធរស្មី ក៏បានជួបពិភាក្សាការងារជាមួយលោកយន់ស៊ីបីងអនុប្រធាននាយ
កដ្ឋានអាស៊ីទំនាក់ទំនងអន្តរជាតិនៃគណៈកម្មាធិការមជ្ឈឹមបក្សកុម្មុយនិស្តចិនអំពីទំនាក់ទំនងនិងការពង្រឹង
កិច្ចសហប្រតិបត្តិការរវាងគណបក្សហ៊្វុនស៊ិនប៉ិចនិងគណបក្សកុម្មុនិស្តចិន។ បន្ទាប់មកបានបន្តដំណើរជួប
សវនការជាមួយលោកលីឈួនចាវសមាជិកការិយាល័យនយោបាយមជ្ឈឆមបក្សនិងជាអនុប្រធានាធិបតីនៃ
សាធារណៈរដ្ឋប្រជាមានិតចិននៅវិមានសភាខេត្តសាន់ស៊ី។
ក្នុងជំនួបពិសេសនេះអ្នកអង្គម្ចាស់ នរោត្តម រស្មីពនិតា តំណាង សម្តេច ព្រះអនុជ នរោត្តម អរុណរស្មី ប្រធាន
គណបក្ស ហ៊្វុនស៊ីនប៉ិច បានធ្វើសន្ទរកថាក្នុងប្រធានបទអភិវឌ្ឍន៍ បៃតងនិងរួមគ្នាស្ថាបនាតំបន់អាស៊ីដ៏សោ
ភ័ណ្ឌក្រោមក្រសែភ្នែកនិងការស្វាគមន៍ ពីគណបក្សនយោបាយជាសមាជិកមកពី បណ្តាប្រទេសជាច្រើន ។
ដោយឡែកភាគីគណបក្សកុម្មុយនិស្តចិនបានរំលឹកអំពីការគាំទ្រនិងការរឹតចំណងសាមគ្គីភាពមិត្តភាពនិង
កិច្ចសហប្រតិបត្តការស៊ីជម្រៅជាមួយគណបក្សហ៊្វុនស៊ីនប៉ិចក្នុងឧត្តមប្រយោជន៍នៃប្រទេសទាំងពីរ ។
សូមបញ្ជាក់គណបក្សហ៊្វុនស៊ិនប៉ិចគឺជាសមាជិកស្ថាបនិកនិងអចិន្ត្រៃយ៍នៃអង្គការអាយកាប់(ICAPP )ដែល
បានបង្កើតឡើងតាំងពីឆ្នាំ២០០០មកនោះ។អង្គការ(ICAPP )មានឈ្មោះជាផ្លូវការថា«សន្និសីទអន្តរជាតិនៃ
បណ្តាគណបក្សនយោបាយនៃអាស៊ី»។ដោយ៖ស.ស្អាត