ភ្នំពេញ៖ វិទ្យាស្ថានពលរដ្ឋវិជ្ជា(ICE )នៅព្រឹកថ្ងៃទី១៧ ឧសភា នេះ បានបង្ហាញអំពីលទ្ធផលនៃការស្ទង់មតិ
ប្រជាពលរដ្ឋទូទាំងប្រទេស ក្នុង១៥រាជធានីខេត្តដោយផ្តោតទៅលើបញ្ហាបរិបទដំណើរអភិវឌ្ឍន៍ប្រទេសកម្ពុ
ជាប្រជាធិបតេយ្យ ស្ថិរភាពនយោបាយរបស់រាជរដ្ឋាភិបាល គណបក្សប្រឆាំង និងសក្តារនុពលរបស់រាជរដ្ឋា
ភិបាល និងគណបក្សប្រឆាំង រួមទាំងបញ្ហាផ្សេងៗមួយចំនួនទៀត។ក្នុងនោះមានប្រជាពលរដ្ឋចំនួន៨០,៧២%
បានយល់ឃើញថាប្រទេសកម្ពុជាមានការរីកចំរើនល្អហើយចំនួន៧,៦៦% យល់ឃើញថារីកចំរើនមិនល្អនិង
អត់ដឹងមានចំនួន១១,១៧% ។ ការបង្ហាញនេះបានធ្វើឡើងនៅសណ្ឋាគារអាំងទែរកង់ទីណង់តាល់។
លោកបណ្ឌិត ឈឹម ផលវរុណ ប្រធានវិទ្យាស្ថានពលរដ្ឋវិទ្យា បានធ្វើបទបង្ហាញថា ៖ ការធ្វើស្ទង់មតិនេះបាន
ធ្វើលើប្រជាពលរដ្ឋ២.០៥៩នាក់ ដើម្បីស្ទង់មតិពួកគាត់ ជាសារទៅអ្នកនយោបាយ រាជរដ្ឋាភិបាល និងសាធារ
ណជន ឲ្យដឹងពីឆន្ទៈរបស់ប្រជាពលរដ្ឋ ទៅលើបរិបទនៅក្នុងប្រទេសកម្ពុជាបច្ចុប្បន្ន។ ចំពោះលទ្ធផលក្នុង
ការស្ទង់មតិ ទូទាំងប្រទេស ក្នុង១៥ រាជធានី-ខេត្ត ដោយសួរប្រជាពលរដ្ឋអំពីរយៈពេល៥ឆ្នាំចុងក្រោយពីឆ្នាំ
២០០៨ ដល់ឆ្នាំ២០១៣ កម្ពុជាមានការរីកចម្រើនយ៉ាងណា? ។ ក្នុងសំណួរនេះ បានបង្ហាញថា ប្រជាពលរដ្ឋ
ចំនួន ៨០,៧២% បានឆ្លើយថា ប្រទេសកម្ពុជា មានការរីកចម្រើនល្អ ៧,៦៦% បានឆ្លើយថា ប្រទេសកម្ពុជា
មានការរីកចម្រើនមិនល្អនិង ១១,១៧% បានឆ្លើយថា អត់ដឹង។
ទាក់ទងទៅនឹងសំណួរ ដែលសួរថា តើកម្ពុជាធ្វើដំណើរទៅលើផ្លូវត្រូវឬយ៉ាងណា? មានពលរដ្ឋចំនួន ៦៤,
១៧% បានឆ្លើយថា ប្រទេសកម្ពុជាដើរលើផ្លូវត្រូវ ហើយ ៩,៥០% ទៀតបានឆ្លើយថា ប្រទេសកម្ពុជាដើរលើ
ផ្លូវមិនត្រូវនិង២៥,៤៦% បានឆ្លើយថាអត់ដឹង។ ចំពោះសំណួរសួរថា តើប្រទេសកម្ពុជានៅលើផ្លូវត្រឹមត្រូវ
ឬ មិនត្រឹមត្រូវយ៉ាងណានោះ បានបង្ហាញថា ប្រជាពលរដ្ឋចំនួន ៥៧,១៨% បានឆ្លើយថា ប្រទេសកម្ពុជាដើរ
លើផ្លូវត្រូវ ព្រោះមានសន្តិភាព មានស្ថិរភាពល្អប្រសើរ ប្រជាធិបតេយ្យ ការគោរពសិទ្ធិមនុស្សល្អ សេដ្ឋកិច្ច
ល្អប្រសើរ មានស្ពាន ថ្នល់ ផ្លូវ ល្អប្រសើរ។
ចំណែកសំណួរថា តើកម្ពុជាដើរលើផ្លូវមិនត្រឹមត្រូវដោយកត្តាអ្វី? សំណួរនេះ បានបង្ហាញថា ប្រជាពលរដ្ឋ
ចំនួន ២១,៣៥% បានឆ្លើយថា ដោយសារប្រទេសកម្ពុជាមានអំពើពុករលួយ។ ១៧,៥៣% បានឆ្លើយថា មក
ពីប្រទេសកម្ពុជា មានភាពក្រីក្រ ១៦,៧០% បានឆ្លើយថា មកពីអត់ការងារធ្វើ។ ១១,៩៩% បានឆ្លើយថា មក
ពីភាពអយុត្តិធម៌នៅតុលាការ។ នប្រជាធិបតេយ្យ ៥,១៧%។ អស្ថិរភាពនយោបាយ ៣,៥២%។
ដោយឡែកពាក់ព័ន្ធដល់ការបង្កើតឲ្យមានក្រុមយុវជនស្មគ្រ័ចិត្តវាស់វែងដីធ្លីវិញ លោកបណ្ឌិត លោកបណ្ឌិត
ឈឺម ផលវរុណ បានបង្ហាញថា មានប្រជាពលរដ្ឋប្រមាណ៨០% គាំទ្ររាជរដ្ឋាភិបាលកម្ពុជា ដែលបានបង្កើត
ឲ្យមានក្រុមយុវជនស្ម័គ្រចិត្តចុះវាស់វែងដីធ្លីជូនពួកគាត់ និងមាន២០% ដែលមិនគាំទ្រ។
លោកបណ្ឌិតបានបន្តថា ប្រជាពលរដ្ឋបានរំពឹង និងនៅតែមានការគាំទ្របេសកម្មយុវជនស្ម័គ្រចិត្តទៅថ្ងៃអនា
គត មានប្រមាណ៧៨,៨% និងមិនគាំទ្រឲ្យមានការបង្កើតយវុវជនស្ម័គ្រចិត្ត នៅថ្ងៃក្រោយ ប្រមាណ៣,៩៤%។
គួរបញ្ជាក់ថា ជុំវិញការធ្វើបទបង្ហាញលទ្ធផលនៃការស្ទង់មតិប្រជាពលរដ្ឋនេះ បានផ្តោតទៅលើប្រធានបទ សំ
ខាន់ៗដូចជា៖ ទី១.បទបង្ហាញអំពីទិន្នន័យស្ថិតិចំនួនប្រជាពលរដ្ឋនៃការស្ទង់មតិ សរុបទូទាំងប្រទេស និងតាម
ខេត្ត ក្រុងនីមួយៗ នៅតាមក្រុមអាយុ ក្រុមមុខរបរវិជ្ជាជីវៈ និងកម្រិវប្បធម៌។ទី២.បទបង្ហាញអំពីលទ្ធផលនៃការ
ស្ទង់មតិប្រជាពលរដ្ឋខ្មែរ ដែលសម្តែងឆន្ទៈវាយតម្លៃទៅលើ បរិបទស្តីពីដំណើរការអភិវឌ្ឍប្រទេសជាតិ ស្តីពី
ដំណើរការប្រជាធិបតេយ្យភាវូនីយកម្ម និងសេរីភាពស្តីពីការវិវត្ត នៃកម្រិតជីវភាពរស់នៅ ស្តីពីបរិបទនយោ
បាយរបស់រាជរដ្ឋាភិបាល ស្តីពីបរិបទរបស់គណបក្សនានា ស្តីពីសក្តានុពលនយោបាយ របស់ប្រមុខរាជរដ្ឋា
ភិបាល និងមេដឹកនាំគណបក្សប្រឆាំងផងដែរ ។
ទាក់ទិននឹងការស្ទង់មតិនេះដែរ វិទ្យាស្ថានសាធារណរដ្ឋអន្តរជាតិ (IRI) របស់សហរដ្ឋអាមេរិកចំពោះប្រជាប្រិ
យភាពរបស់សម្ដេចតេជោនាយករដ្ឋមន្ត្រីឲ្យដឹងថាការទុកចិត្តចំពោះនាយករដ្ឋមន្ត្រីមាន៨៧% ក្នុងចំណោម
មនុស្សប្រមាណ២០០០នាក់ដែលត្រូវបានសម្ភាសន៍បានបញ្ជាក់ថាប្រជាប្រិយភាពរបស់សម្តេចអគ្គមហាសេ
នាបតីតេហ៊ុនសែនបានកើនឡើងចាប់តាំងពីឆ្នាំ២០០៦មកដល់ឆ្នាំ២០១១នោះ៕ដោយ៖ សំអាត