ភ្នំពេញ៖មន្រ្តីជាន់ខ្ពស់រាជរដ្ឋាភិបាលកម្ពុជានៅថ្ងៃទី១៤ខែឧសភាឆ្នាំ២០១៣បានចេញ​ប្រតិកម្មឆ្លើយតប
ចំពោះរបាយការណ៍របស់អង្គការឃ្លាំមើលពិភពលោក(Global Wetness) ដោយបានចោទប្រកាន់រាជរដ្ឋាភិ
បាលកំពុងរំលោភបំពានច្បាប់ក្នុងការផ្តល់ដីសម្បទាន​សេដ្ឋកិច្ចទៅឲ្យក្រុមហ៊ុនធំៗ២របស់វៀតណាមនោះ
វាគ្រាន់តែការវាយប្រហារមកលើរាជ​រដ្ឋាភិបាលកម្ពុជាតែប៉ុណ្ណោះ។

អ្នកនាំពាក្យនិងជារដ្ឋលេខាធិការនៃទីស្តីការគណៈរដ្ឋមន្រ្តីលោកផៃស៊ីផានមានប្រសាសន៍​ថារបាយការណ៍
របស់អង្គការមួយនេះគឺមានទិសដៅវាយប្រហារមកលើរាជរដ្ឋាភិបាលហើយ​ក៏ជារបាយការណ៍មួយដែល
គ្មានមូលដ្ឋានច្បាស់លាស់និងមិនពិតប្រាកដក្នុងការ​បោះពុម្ពផ្សាយ។

អ្នកនាំពាក្យរូបនេះបន្តថារាជរដ្ឋាភិបាលមិនអាចទទួលយកបានទេនូវរបាយការណ៍ដែល​បានចោទប្រកាន់
បែបនេះព្រោះប្រទេសកម្ពុជាមានគណៈកម្មាធិការវាយតម្លៃគ្រប់ជ្រុង​ជ្រោយ​ក្នុងការផ្តល់ដីសម្បទានសេដ្ឋ
កិច្ចទៅឲ្យក្រុមហ៊ុនវិនិយោគបរទេសនានា។

លោកបញ្ជាក់ថាយើងមានលក្ខខណ្ឌត្រឹមត្រូវធ្វើទៅតាមច្បាប់ដែលអនុញ្ញាតឲ្យរាជ​រដ្ឋាភិបាលធ្វើទិសដៅ
ក្នុងការផ្តល់ដីសម្បទានសេដ្ឋកិច្ចយើងធ្វើនៅក្នុងទម្រង់នៃច្បាប់មួយយើងមិនមែនចេះតែធ្វើតាមអំពើចិត្ត
ដូចការចោទប្រកាន់នោះទេ។

លោកផៃស៊ីផានបន្តថារាជរដ្ឋាភិបាលប្រគល់ដីសម្បទានសេដ្ឋកិច្ចក្នុងគោលបំណងកំណែទម្រង់សេដ្ឋកិច្ច
នៅកម្ពុជាពីសេដ្ឋកិច្ចគ្រួសារនិងជាលក្ខណៈប្រពៃណីឲ្យក្លាយទៅជា​សេដ្ឋកិច្ចដែលមានការទទួលស្គាល់
ជាលក្ខណៈអន្តរជាតិ។

គួរបញ្ជាក់ថា កាលពីថ្ងៃទី១៣ខែឧសភាអង្គការGlobal Witness បានបង្ហាញរបាយ​ការណ៍​របស់ខ្លួនថាមាន
ក្រុមហ៊ុនចម្ការកៅស៊ូធំពីររបស់វៀតណាមទី១.ក្រុមហ៊ុនហ្វាងអាន់យ៉ាឡាយនិងទី២. ក្រុមហ៊ុនរ៉ាប់ប៊ឺគ្រូប
កំពុងតែបង្កបញ្ហាផ្នែកដីធ្លីយ៉ាងខ្លាំងក្នុងការបំផ្លាញធនធាន​ធម្មជាតិដោយបានរំលោភច្បាប់និងសិទ្ធិមនុស្ស
នៅកម្ពុជាតាមរយៈការផ្តល់ដីសម្បទាន​សេដ្ឋកិច្ច​ដាំដើមកៅស៊ូ៕