ភ្នំពេញ ៖ អ្នកតំណាងរាស្ត្រគណបក្សសមរង្ស៊ី និងគណបក្សសិទ្ធិមនុស្សចំនួន១១រូប ត្រូវបានលោក
ជាម យៀប ប្រធានគណៈកម្មការសេដ្ឋកិច្ចហិរញ្ញវត្ថុធនាគារ និងសវនកម្មនៃរដ្ឋសភាធ្វើលិខិតទៅសម្តេច
ហេង សំរិន ប្រធានរដ្ឋសភាកាលពីថ្ងៃទី៧ ខែឧសភា ឆ្នាំ២០១៣ ដើម្បីសុំគោលការណ៍បង្កកប្រាក់ខែ
អ្នកតំណាងរាស្ត្រ ។ ដោយសំអាងថាអ្នកតំណាងរាស្ត្របក្សប្រឆាំងទាំងនោះបានលាចេញពីគណបក្ស
ដើមរបស់ខ្លួននៅរដ្ឋសភាទៅចូលគណបក្សថ្មីគឺគណបក្សសង្គ្រោះជាតិមិនមានឈ្មោះនៅក្នុងរដ្ឋសភា។
លោក ជាម យៀប បានឲ្យដឹងកាលពីរសៀល ថ្ងៃទី១៣ ខែឧសភា ឆ្នាំ២០១៣ ថាក្រុមតំណាងរាស្ត្រ
គណបក្សសមរង្ស៊ីនិងគណបក្សសិទ្ធិមនុស្សចំនួន១១រូប ដែលលោកបានស្នើសុំគោលការណ៍ពីសម្តេច
ប្រធានរដ្ឋសភាបង្កកប្រាក់ខែរួមមាន៖
១-លោកកឹមសុខាអនុប្រធានគណបក្សសង្គ្រោះជាតិ( សិទ្ធិមនុស្ស)
២-លោកយឹមសុវណ្ណប្រធានគណៈកម្មាធិការប្រតិបត្តិ( សមរង្ស៊ី)
៣-លោកយ៉ែមបុញ្ញឫទ្ធិអគ្គនាយករដ្ឋបាល( សិទ្ធិមនុស្ស)
៤-លោកស្រីមូរសុខហួរអគ្គនាយកទំនាក់ទំនងសាធារណៈ( សមរង្ស៊ី)
៥-លោកឃីវណ្ណដារ៉ាអគ្គនាយកហិរញ្ញវត្ថុ( សមរង្ស៊ី)
៦-លោកគួយប៊ុនរឿនអគ្គនាយករងរដ្ឋបាល( សមរង្ស៊ី)
៧-លោក អ៊ូច័ន្ទឫទ្ធិអគ្គនាយករងទំនាក់ទំនងសាធារណៈ( សិទ្ធិមនុស្ស)
៨-លោកស្រីជូឡុងសូមួរ៉ា( សមរង្ស៊ី)
៩-លោកគីមសួរភីរិទ្ធ( សមរង្ស៊ី)
១០-លោកសុនឆ័យ( សមរង្ស៊ី)
១១-លោកជាមច័ន្ទនី( សមរង្ស៊ី)
ប៉ុន្តែមកត្រឹមត្រូវ ថ្ងៃទី១៣ ខែឧសភា ឆ្នាំ២០១៣ នៅមិនទាន់មានការឆ្លើយតបបែបណាពីសម្តេចប្រធាន
សភានៅឡើយទេ ។ ជាមួយគ្នានេះនៅក្នុងសមាសភាពថ្នាក់ដឹកនាំគណៈកម្មាធិការអចិន្ត្រៃយ៍របស់គណ
បក្សសង្គ្រោះជាតិដែលមានចំនួន២៦រូប ក្នុងនោះមាន១១រូបជាសមាជិករដ្ឋសភា។
យ៉ាងណាក៏ដោយលោកកឹមសុខាប្រធានស្តីទីគណបក្សសង្គ្រោះជាតិនិងជាអ្នកតំណាងរាស្ត្ររបស់គណ
បក្សសិទ្ធិមនុស្សបានចាត់ទុកការប៉ុនប៉ងបង្កកប្រាក់ខែរបស់អ្នកតំណាងរាស្ត្រគណបក្សប្រឆាំងថាជារូប
ភាពគំរាមកំហែងថ្មីមួយទៀតដើម្បីគាបសង្កត់លើបក្សប្រឆាំង៕
ដោយ៖សស្អាត