ភ្នំពេញ៖ យោងតាមសេចក្តីប្រកាសព័ត៌មានរបស់អគ្គលេខាធិការដ្ឋានរដ្ឋសភា ចុះថ្ងៃទី២៦ ខែកុម្ភៈបានឲ្យដឹងថា សម្តេច
ហេង សំរិន ប្រធានរដ្ឋសភា នឹងដឹកនាំគណៈប្រតិភូជាន់ខ្ពស់របស់រដ្ឋសភាកម្ពុជា នឹងទៅបំពេញទស្សនកិច្ច និងជាមិត្តភាព
នៅប្រទេសម៉ារ៉ុក និងប្រទេសកូដឌីវ័រ ដែលនឹងប្រព្រឹត្តទៅរយៈពេល១០ចាប់ពីថ្ងៃទី២ ដល់ថ្ងៃទី១០ ខែមីនា។ សេចក្តីប្រ
កាស ដដែលបានបន្តទៀតថា ដំណើរទស្សនកិច្ច ក្នុងគោលបំណងពង្រឹង និងពង្រីកចំណងមិត្តភាព និងកិច្ចសហប្រតិបត្តិ
ការរវាងរដ្ឋសភាកម្ពុជា-ម៉ារ៉ុក និងរដ្ឋសភាកម្ពុជា-កូដឌីវ័រ ឲ្យកាន់តែល្អប្រសើរឡើងថែមទៀត។ គួរបញ្ជាក់ផងដែរថា បើ
តាមគម្រោងនៅក្នុងដំណើរទស្សនៈកិច្ចនោះ សម្តេចហេង សំរិន និងជួបសវនាការ និងពិភាក្សាការងារជាមួយថ្នាក់ដឹកនាំ
ជាន់ខ្ពស់នៃប្រទេសទាំងពីរ មានដូចជា ប្រធានរដ្ឋសភា ប្រធានាធិបតី នាយករដ្ឋមន្ត្រីនិងរដ្ឋមន្ត្រីសំខាន់ៗមួយចំនួនទៀត៕ ដោយ៖ភីនរ៉ា
