ភ្នំពេញៈ ប្រធានទីភ្នាក់ងារសហប្រតិបត្តិការអន្តរជាតិជប៉ុន ដែលហៅកាត់ថា JICA លោកអាគីហ៊ីកូ តាណាកា នឹងចាប់ផ្តើមនូវដំណើរទស្សនកិច្ចជាផ្លូវការរយៈពេល២ថ្ងៃ នៅកម្ពុជាគឺចាប់ពីថ្ងៃទី២៦-២៧ ខែកុម្ភៈ ឆ្នាំ២០១៤។សេចក្តីប្រកាសព័ត៌មានរបស់ស្ថានទូតជប៉ុនប្រចាំកម្ពុជាឲ្យដឹងថា ឯកឧត្តម អាគីហ៊ីកូ នឹងចូលជួបសម្តែងការគួរ សមជាមួយសម្តេច អគ្គមហា សេនាបតីតេជោ ហ៊ុន សែន នាយករដ្ឋ មន្ត្រីនៃរាជរដ្ឋាភិបាលកម្ពុជានៅវិមានសន្តិភាព។
លោក អាគីហ៊ីកូ តាណាកា មុនពេលបម្រើការងារក្នុងតួនាទីនេះ គឺជាសាស្ដ្រាចារ្យផ្នែកនយោបាយអន្ដរជាតិ នៃវិទ្យាស្ថានសិក្សាជាន់ខ្ពស់អំពី តំបន់ អាស៊ីរបស់សាកលវិទ្យាល័យ តូក្យូ ប្រចាំកម្មវិធីគំនិតផ្ដួចផ្ដើមអន្ដរសាកលវិទ្យាល័យសម្រាប់ការសិក្សាអំពីព័ត៌មាន។លោកបានបម្រើជាសមាជិកនៃក្រុមទីប្រឹក្សាជាច្រើនក្រុម សម្រាប់នាយករដ្ឋមន្ដ្រីជប៉ុនរួមមានដូចជាក្រុមប្រឹក្សាស មត្ថភាពសន្ដិសុខ និងការពារជាតិ (ឆ្នាំ ២០០៩-២០០៤)ក្រុមប្រឹក្សាកំណែទម្រង់ក្រសួងការពារជាតិ (ឆ្នាំ២០០៧-២០០៨) និងក្រុម ប្រឹក្សាមូលដ្ឋានច្បាប់សម្រាប់គោលនយោបាយសន្ដិសុខ (ឆ្នាំ ២០០៧) ។
ជាក់ស្តែង លោកប្រធាន ចៃកា រូបនេះ មានស្នាដៃជាច្រើនដែលបានបោះពុម្ភជាសៀវភៅទាំងភាសាជាតិរបស់លោកនិង ភាសា អង់គ្លេសមានចំណងជើងដូចជា ពិភពលោកក្រោយវិបត្ដិ (ភាសា ជប៉ុនចេញផ្សាយឆ្នាំ ២០០៩ នៅតូក្យូ)ប្រទេសជប៉ុន និងនយោបាយអន្ដរជាតិ នៅក្នុងតំបន់ អាស៊ី (ភាសាជប៉ុន ចេញផ្សាយឆ្នាំ ២០០៧ នៅតូក្យូ) និងសម័យពាក់កណ្ដាលថ្មី ៖ ប្រព័ន្ធ ពិភពលោកនៅសតវត្សទី ២១ (ភាសាអង់គ្លេស ចេញផ្សាយឆ្នាំ ២០០២ នៅតូក្យូ) ៕
ដោយៈភីនរ៉ា