ប្រទេសប៉ាគីស្ថាន៖ យោងតាមប្រភពព័ត៌មានពីមន្រ្តីប៉ូលីសប៉ាគីស្ថានបានអោយដឹងថា ការបំផ្ទុះគ្រាប់បែក
កាលពីថ្ងៃអាទិត្យម្សិលមិញនៅក្នុងក្បួនដង្ហែររបស់កងទាហានសន្តិសុខប្រចាំប្រទេសប៉ាគីស្ថានបានឆក់យក
ជីវិតមនុស្សយ៉ាងហោចណាស់ ២០នាក់និងបានបណ្តាលអោយមនុស្សជាង ២៤នាក់ទៀតរងរបួសជាទំងន់។ មន្រ្តីប៉ូលីសបានមានប្រសាសន៍ប្រាប់ភ្នាក់ងារសារព័ត៌មាន AFPថា ហេតុការណ៍បំផ្ទុះគ្រាប់បែកខាងលើនេះ
គឺបានផ្ទុះឡើងនៅក្នុងក្រុង Bannu នៃខេត្ត Khyberស្របពេលដែលកងកម្លាំងទាំងអស់នោះកំពុងតែធ្វើក្បួនដ
ង្ហែរឆ្ពោះទៅកាន់ភាគខាងជើងនៃតបន់ Waziristan។ រហូតមកដល់ពេលនេះ មន្រ្តីប៉ូលីសប៉ាគីស្ថានគឺកំពុងតែ
ស្វែងរកមូលហេតុនៃការបំផ្ទុះគ្រាប់បែកខាងលើនេះ។ គួរបញ្ជាក់ទៀតផងដែរថា កាលពីសប្តាហ៍មុន មន្រ្តី
ជាន់ខ្ពស់ម្នាក់គឺត្រួវបានគេសម្លាប់នៅក្នុងទីក្រុង Karachi ក្នុងយុទ្ធនាការប្រឆាំងនឹងពួកសកម្មប្រយុទ្ធដៃដល់
ដែលតែងតែបង្កការវាយប្រហារនៅក្នុងប្រទេសនេះជារឿយៗ។ ដោយ៖ តុលា
