ភ្នំពេញ៖ នាយករដ្ឋមន្រ្តី វៀត ណាម ឯកឧត្តម ង្វៀន តាន់យ៉ុង (Nguyen Tan Dung)បានមកដល់កម្ពុជានៅល្ងាចថ្ងៃទី១២ ខែ មករា ឆ្នាំ ២០១៤។
អញ្ជើញទទួលគណប្រតិភូវៀតណាមដល់អាកាសយាន្តដ្ឋាន អន្តរជាតិមានវត្តមាន ឯ.ឧ ខៀវ កញ្ញារិទ្ឋ រដ្ឋមន្ត្រីក្រសួងព័ត៌មាន ឯ.ឧ ឯគ្គរដ្ឋទូត វៀតណាម ប្រចាំ កម្ពុជា និង មន្ត្រីក្នុងជួររាជរដ្ឋាភិបាលកម្ពុជាជាច្រើនទៀត។
(1).jpg)
យោងតាមសេចក្តីប្រកាសព័ត៌មាន របស់ ក្រសួងការបរទេសកម្ពុជាបានបញ្ជាក់ថា៖ នៅក្នុងអំឡុងនៃដំណើរទស្សនកិច្ចនោះ ឯកឧត្តម ង្វៀន តាន់យ៉ុង នឹងចូលរួមក្នុងពិធីមួយចំនួនដូចជា៖ ទី១ សន្និសីទលើកទី៤ ស្តីពីការជុំរុញវិនិយោគទុន រវាងកម្ពុជា និង វៀតណាម។ ទី២ ពីធីសម្ពោធសាខាមន្ទីរពេទ្យចារៃ នៅរាជធានីភ្នំពេញ។ និងទី៣ ពិធីបញ្ចុះបឋមសិលាសាងសង់ស្ពានជ្រៃធំឡុងប៊ិញ។
នៅក្នុងអំឡុងទស្សនកិច្ចរយៈពេល៣ថ្ងៃ នាយករដ្ឋមន្រ្តី វៀតណាម ឯកឧត្តម ង្វៀន តាន់យ៉ុង នឹងជួបគាល់ព្រះមហាក្សត្រខ្មែរ ព្រះបាតសម្តេច ព្រះបរមនាថ នរោត្តម សីហមុនី។
ជួបសំដែងការគួរសមជាមួយ ប្រធានព្រឹទ្ធសភា សម្តេចអគ្គមហាធម្មពោធិសាល ជា ស៊ីម និងជួបពិភាក្សាជាមួយសមភាគី សម្តេចតេជោ ហ៊ុន សែន។
.jpg)
សូមរំលឹកថា៖ ប្រមុខរាជរដ្ឋាភិបាលកម្ពុជា សម្តេចតេជោ ហ៊ុន សែន នឹងសម្តេចគតិព្រឹទ្ធបណ្ឌិត ប៊ុន រ៉ានី ហ៊ុន សែន និងប្រតិភូរជាន់ខ្ពស់ នៃរាជរដ្ឋាភិបាលកម្ពុជា បានបញ្ជប់ទស្សនកិច្ចនៅប្រទេសវៀតណាម រយៈពេល៣កាលពីថ្ងៃទី២៦ ដល់ថ្ងៃទី២៨ ខែ ធ្នូ ឆ្នាំ ២០១៣ កន្លងមកនេះ ដើម្បីទៅពង្រឹងចំណងទាក់ទង រវាងកម្ពុជា និងវៀត ណាម និងគ្រោងចុះហត្ថលេខាទ្វេភាគីលើកិច្ចព្រមព្រៀងចំនួន៩។
នៅក្នុងដំណើរទស្សនកិច្ចជាផ្លូវរដ្ឋចំនួន៣ថ្ងៃនោះ ប្រមុខរាជរដ្ឋាភិបាលកម្ពុជាសម្តេចតេជោ ហ៊ុន សែន និង នាយករដ្ឋមន្រ្តី វៀតណាមឯកឧត្តម ង្វៀន តាន់យ៉ុង នឹងចូលរួមជាអធិបតី និងជាសាក្សី នៅក្នុងពិធីចុះហត្ថលេខា ទ្វេភាគីចំនួន៩ ដូចជា៖
ទី១ កិច្ចសម្របសម្រួល ពាណិជ្ជកម្មទ្វេភាគី សំរាប់ឆ្នាំ២០១៤ ដល់ឆ្នាំ ២០១៥។ ទំហំពាណិជ្ជកម្មរវាងកម្ពុជានិងវៀតណាមកន្លងមកបានឈានដល់ជាង៣ពាន់លានដុល្លា រអាមេរិកហើយ និងគ្រោងបង្កើនដល់ចំនួន៥ពាន់លានដុល្លារអាមេរិកនៅឆ្នាំ ២០១៥ ខាងមុខ។
ទី២ កិច្ចព្រមព្រៀងស្តីពីការផ្លាស់ប្តូរទំនិញរវាងកម្ពុជានិងវៀតណាម។
ទី៣ សន្ធិសញ្ញាស្តីពីបត្យាប័ន រវាងកម្ពុជា និងវៀតណាម។
ទី៤កិច្ចព្រមព្រៀងឥណទាន រវាងកម្ពុជា និង វៀតណាម។
ទី៥ ផែនការសហប្រតិបត្តិការ រវាងក្រសួងអប់រំ យុវជន និងកីឡានៃប្រទេសកម្ពុជា ជាមួយក្រសួងអប់រំ និងបណ្តុះបណ្តាល នៃប្រទេសវៀតណាម។
ទី៦ ផែនការសហប្រតិបត្តិការស្តីពីព័ត៌មានរវាងក្រសួងព័ត៌មាននៃប្រទេសកម្ពុជា និងក្រសួងព័ត៌មាននិងទំនាក់ទំនង នៃប្រទេសវៀតណាម សំរាប់ឆ្នាំ ២០១៤ ដល់ឆ្នាំ ២០១៥។
.jpg)
ទី៧ ផែនការសហប្រតិបត្តិការឆ្នាំ ២០១៤ រវាងក្រសួងមហាផ្ទៃកម្ពុជានិងក្រសួងនគរបាល នៃប្រទេសវៀតណាម។ ទី៨ អនុស្សារណៈនៃការយោគយល់គ្នា ស្តីពីផែនការសហប្រតិបត្តិការ រវាងបណ្ណសារដ្ឋានជាតិ នៃប្រទេសទាំងពីរ និងទី៩ កិច្ចព្រមព្រៀងទិញជីកសិកម្មដើម្បីជំរុញការដាំដុះនៅកម្ពុជា។
ដោយ៖ អភិរក្ស