ប្រទេសហ្វ៊ីលីពីន៖ យោងតាមមន្រ្តីប៉ូលីសប្រចាំប្រទេសហ្វ៊ីលីពីនបានអោយដឹងថា មនុស្សចំនួន ៤នាក់រួម
បញ្ចូលទាំងចៅហ្វាយក្រុង Labangan ម្នាក់ផងដែរគឺត្រួវបានខ្មាន់កាំភ្លើងមួយក្រុមបាញ់សំលាប់នៅក្បែរព្រលា
នយន្តហោះម៉ានីឡា។ មន្រ្តីប៉ូលីសបានអះ អាងថា ចៅហ្វាយក្រុងម្នាក់នោះគឺឈ្មោះ Ukol Talumpa ។ លោក
Ukol Talumpa គឺធ្លាប់គេវាយប្រហារចំនួន ២ដងមកហើយ ពោលគឺនៅក្នុងឆ្នាំ ២០១០និងឆ្នាំ ២០១២។ លោក
Jose Angel Honrado អគ្គនាយកប្រចាំព្រលានយន្តហោះម៉ានីឡាបានមានប្រសាសន៍ថា ខ្មាន់កាំភ្លើងទាំងអស់
នោះបានចូលមកជិតជនរងគ្រោះទាំង ៤នាក់រួចហើយក៏បានសំលាប់ពួកគេភ្លាមៗ បន្ទាប់មកពួកខ្មាន់កាំភ្លើង ទាំងអស់នោះក៏បានរត់គេចខ្លួនដោយម៉ូតូបាត់ទៅ។

លោក Honradoបានបញ្ជាក់អោយដឹងថា ប្រពន្ធរបស់ចៅហ្វាយម្នាក់នោះក៏ត្រួវពួកខ្មាន់កាំភ្លើងបាញ់សំលាប់ដែរ។ ភ្នាក់ងារសារព័ត៌មាន AFPបានអោយដឹងថា ជនរងគ្រោះ ២នាក់ផ្សេងទៀតគឺជាកូនក្មេងអាយុ១ឆ្នាំនិងបុរសវ័យ ២៥ ឆ្នាំ។ គួរបញ្ជាក់ផងដែរថា មនុស្ស ៤នាក់ផ្សេងទៀតគឺទទួលរងរបួសជាទំងន់។ ដោយ៖ តុលា