ភ្នំពេញ៖ដោយមើលឃើញនូវភាពអមនុស្សធម៌ពីក្រុមចាស់ទំនើងអតីតមេធាវីដេវីដឆាយណាវ៉ានិងអនុរដ្ឋ
លេខាធិការទំនើងយានស៊ីណានិងបក្សពួកដែលបានវាយធ្វើបាបមកលើក្រុមអ្នកកាសែតមួយក្រុមកាលពី
យប់ថ្ងៃទី១៨ខែមីនាកន្លងមកតាមរយៈបណ្តាញផ្សព្វផ្សាយព័ត៌មានក្នុងស្រុក។ នៅព្រឹកថ្ងៃទី​២២ខែមីនានេះ
លោកបណ្ឌិតហ៊ុនម៉ាណែតប្រធានកិត្តិយសនិងលោកម៉ឹងពន្លក​ប្រធាន​ចលនា​យុវជនកម្ពុជាក្រុម១៥៧បាន
ផ្តល់នូវថវិកាមួយចំនួនសម្រាប់ជួយសម្រាលការលំបាកនិងថ្លៃថ្នាំពេទ្យបន្តិចបន្តួចដល់អ្នកកាសែតចំនួន៤រូប
នៅក្លឹបអ្នកកាសែតកម្ពុជា។
បើតាមការឲ្យដឹងពីលោកនងគន្ធាវីអគ្គលេខាធិការចលនាយុវជនកម្ពុជាក្រុម១៥៧ដែលជាតំណាងលោក
បណ្ដិតហ៊ុនម៉ាណែតថាលោកបាននាំនូវថវិកាផ្ទាល់របស់លោកបណ្ឌិតហ៊ុនម៉ាណែតនិង​ចលនាយុវជនកម្ពុជា
ក្រុម១៥៧មកផ្តល់ជូនអ្នកកាសែតទាំង៤នាក់ដែកក្នុងម្នាក់ៗទទួលបាន៥០​ម៉ឺន​រៀល។
ក្នុងឱកាសផ្តល់ថវិកានោះលោកនងគន្ធាវីបានចាត់ទុកក្រុមដែលបានប្រព្រឹត្តិអំពើហិង្សាមកលើក្រុមអ្នកកាសែត
គឺជាជនអន្ធពាលព្រោះពួកគេទាំងនោះសុទ្ធតែជាអ្នកចេះច្បាប់មានទាំងអតីតមេធាវីនិងអនុរដ្ឋលេខាធិការ
ក្រសួងយុត្តិធម៌ទៀតបែរជាមកប្រព្រឹត្តអំពើហិង្សា​ដោយ​ចេតនាទៅលើអ្នកសារព័ត៌មានដែលច្បាប់រដ្ឋបាន
កំណត់ថាជាអំណាចទី៤ពោលគឺជា​កញ្ចក់ឆ្លុះ​បញ្ចាំងពីទិដ្ឋភាពសង្គមទាំងមូលជូនប្រជាពលរដ្ឋទូទាំង
ប្រទេសក៏ដូចជានៅ​លើ​សកល​លោក​បាន​ដឹងពីព្រឹត្តិការណ៍ផ្សេងៗដែលបានកើតឡើង។
លោកសុំឲ្យអ្នកកាសែតទាំង​អស់​រួចផុតពីការ​ធ្វើបាបទាំងឡាយរបស់ពួកជនអន្ធពាលដូចនេះទៀតហើយ
ក្រុមទាំងនេះច្បាប់កំពុងតែកាត់ទោសគេទៅតាមទង្វើរដែលគេបានដោយចេតនានឹងបន្តស្វែងរកចាប់ខ្លួន
បក្សពួកគេដែលបានគេចខ្លួន។
តំណាងជនរងគ្រោះលោកសុវណ្ណសុខា  និងជាអ្នកកាសែតរៀមច្បងម្នាក់បានថ្លែងអំណរ​គុណដល់លោក
បណ្ឌិតហ៊ុនម៉ាណែតនិងលោកជំទាវព្រមទាំងសហការរីដែលមានចិត្ត​អាណិត​​អាសូរដល់អ្នក​កាសែតដែលរង
គ្រោះដោយក្រុមដេវីដឆាយណាវ៉ានិងយានស៊ីណាដែលរងគ្រោះទាំង៤នាក់នេះ។លោកសុខាចាត់ទុកទង្វើរ
នេះជាអំពើមនុស្សមួយក៏ជាកម្លាំងចិត្តបន្ថែមដល់ក្រុមអ្នកសារព័ត៌មានទាំងអស់មានចិត្តបំរើកិច្ចការជូនសង្គម
តទៅទៀត។
ជាពិសេសលោកតំណាងជនរងគ្រោះបានសម្តែងអំណរគុណយ៉ាងជ្រៀលជ្រៅចំពោះសម្តេច​នាយករដ្ឋមន្រ្តី
ហ៊ុនសែនដែលលោកបានបង្ហាញនូវប្រតិកម្មយ៉ាងខ្លាំងចំពោះទង្វើដ៏គួរឲ្យ​ស្អប់ខ្ពើមរបស់ពួកជនអន្ធពាល
ដែលបានប្រព្រឹត្តមកលើបណ្តាញសារព័ត៌មានហើយសម្តេចបានជម្រុញឲ្យមានចំណាត់តាមផ្លូវច្បាប់ទៅ
លើក្រុមបង្ករអំពើហិង្សាទាំងនោះឲ្យបាន។នេះ​សបញ្ជាក់ឲ្យឃើញពីការយកចិត្តទុកដាក់របស់ប្រមុខដឹកនាំ
ជាតិ​ ចំពោះប្រព័ន្ធផ្សព្វផ្សាយ​ដែល​ត្រូវបានរងនូវការរំលោភបំពានទាំងឡាយនិងជាកម្លាំងចលករមួយដ៏មាន
ឥទ្ធិពល​ជម្រុញដល់បណ្តាញសារព័ត៌មានទាំងអស់មានឆន្ទៈមុះមុតក្នុងការបំពេញការងារកាន់តែខ្លាំងឡើង
ថែមទៀត៕

ដោយ៖ ស.ស្អាត