ប្រទេស Latvia៖ យោងតាមប្រភពព័ត៌មានចុងក្រោយបានអោយដឹងថា ចំនួនអ្នកស្លាប់ដោយសារការបាក់ដំ
បូលផ្សារទំនើបមួយកន្លែងក្នុងទីក្រុង Rigaប្រទេស Latvia គឺបានឡើងដល់ ២១នាក់ហើយចំណែកឯមនុស្ស ៣៥ នាក់ទៀតគឺបានរងរបួសជាទំងន់។ មន្រ្តីប៉ូលីសបានបន្ថែមទៀតថា សាកសព ៣នាក់ក្នុងចំណោមអ្នកស្លាប់ទាំង ២១នាក់គឺជាបុគ្គលិកធ្វើការក្នុងកន្លែងកើតហេតុនោះ។សាក្សីម្នាក់បាននិយាយប្រាប់ភ្នាក់ងារសារព័ត៌ BBC ថា ហេតុការណ៍នេះបានកើតឡើងនៅវេលាម៉ោង ១៦នឹង០០នាទី។
មន្រ្តីប៉ូលីសបានអោយដឹងទៀតថា ផ្សារទំនើបនេះគឺបានបើកតាំងតែពីឆ្នាំ ២០១១ មកម្លេះ។ លោក Rechards Kozlovskis មន្រ្តីក្រសួងមហាផ្ទៃប្រចាំទីក្រុង Rigaបាននិយាយ នៅតាមកញ្ចក់ទូរទស្សន៍ថា មូលហេតុដែលបង្ក អោយមានការបាក់ស្រុតបែបនេះគឺប្រហែលបណ្តាលមកពីការផ្ទុកសំភារះសំណង់ច្រើនហួសកំណត់ខណះ
ពេលសាងសង់សួនច្បារពីលើតំបូលផ្សារទំនើបនោះ។
តែទោះបីជាយ៉ាងណាក៏ដោយគឺគ្មានប្រភពព័ត៌មានមួយណាបានដឹងអំពីមូលហេតុពិតប្រាកដនៃការបាក់ដំបូលនោះដែរ។ លោក Normunds Plegermanisដែលជាអនុប្រធាននៃសេវាកម្មសង្រ្គោះបន្ទាន់បានប្រាប់អោយ ដឹងថា រហូតមកដល់ពេលនេះកងកម្លាំងសង្រ្គោះបន្ទាន់ប្រហែលជា ៦០នាក់គឺកំពុងតែ ធ្វើអន្តរាគមន៍នៅកន្លែងកើតហេ
តុនោះ។ ដោយ៖ តុលា
