ប្រទេសហ្វីលីពីន៖ យោងតាមមន្រ្តីប៉ូលីសហ្វីលីពីនបានអោយដឹងថា រហូតមកដល់ពេលនេះចំនួនអ្នកស្លាប់ដោយសារ
ព្យុះទីហ្វុង Haiyanគឺបានឡើងដល់ជាង១០០នាក់ហើយ។ លោក Capt John Andrews អនុប្រធានទូទៅរបស់អាជ្ញាធរ
ស៊ីវិល បានមានប្រសាសន៍ថា សាកសពទាំងអស់នោះគឺត្រូវបានគេដាក់នៅតាមបណ្តោយផ្លូវមួយខ្សែនៅក្នុងទីក្រុង Tacloban។ មន្រ្តីប៉ូលីសបាននិយាយបន្តទៀតថា កាលពីថ្ងៃសុក្រម្សិលមិញព្យុះទីហ្វុង Haiyan បានបណ្តាលអោយអាគារជាច្រើនខ្នង ត្រូវដួលរលំនិងបង្កអោយមានការបាក់ស្រុតដីជាច្រើនកន្លែងផ្សេងទៀតនៅក្នុងប្រទេសនេះចំណែកប្រព័ន្ធទាក់ទងនិងប្រភព ថាមពលនៅតាមតំបន់មួយចំនួនគឺត្រូវបានកាត់ផ្តាច់។ លោក Jon Donnisonភ្នាក់ងារសារព័ត៌មានរបស់BBCដែលមកពីទី
ក្រុង Manila បាននិយាយអោយដឹងថា ទីក្រុង Taclobanទាំងមូលគឺត្រូវបានទឹកព័ទ្ធជុំវិញទាំងស្រុង។
រហូតមកដល់ពេលនេះកងកម្លាំងសង្រ្គោះបន្ទាន់គឺកំពុងតែព្យាយាមចូលទីកាន់កន្លែងកើតហេតុនោះ។ អាជ្ញាធរហ្វីលីពីន បានសសើរយ៉ាងខ្លាំងដល់កិច្ចខិតខំប្រឹងប្រែងក្នុងការជម្លៀសប្រជាជនចេញពីកន្លែងកើតហេតុនោះព្រោះថាចំនួនអុ្នកស្លាប់
ដោយព្យុះទីហ្វុង Haiyan គឺមានចំនួនទាបបើប្រៀបធៀបនឹងព្យុះទីហ្វុង Botha ដែលបានបោកបក់កាលពីឆ្នាំ ២០១២កន្លងមក។
ដោយ៖ តុលា
