ប្រទេសបង់ក្លាដេស៖ អ្នកគាំទ្រគណបក្សប្រឆាំងរាប់រយនាក់ក្នុងប្រទេសបង់ក្លាដេសព្រមទាំងសម្ព័ន្ធមិត្តរបស់ខ្លួនបានប្រមូលចាប់ផ្តើមធ្វើកូតកម្មរយះពេល ៣ថ្ងៃបន្ទាប់ពីរដ្ឋាភិបាលរបស់ប្រទេសនេះបានបរាជ័យក្នុងការបង្កើតរដ្ឋាភិបាល បណ្តោះអាសន្ន មួយសំរាប់ត្រួតពិនិត្យលើការបោះឆ្នោតនាពេលកន្លងមក។ លោក Khaleda មេដឹកនាំរបស់គណបក្សជាតិ និយមបង់ក្លាដេស ( BNP)គឺកំពុងតែអំពាវនាវអោយរដ្ឋាភិបាលប្រទេសនេះជួយដោះស្រាយបញ្ហាពីភាពមិនប្រក្រតីក្នុងពេលបោះឆ្នោត។
លោក Khaleda ព្រមទាំងសម្ព័ន្ធមិត្តរបស់គាត់បានបដិសេធមិនព្រមចូលរួមក្នុងការប្រកាសរដ្ឋធម្មនុញ្ញថ្មី
ប្រចាំប្រទេសនេះ។ លោក Sabir Mustafa ភ្នាក់ងារសារព័ត៌មានរបស់ BBCប្រចាំប្រទេសបង់ក្លាដេសបាននិយាយថានេះគឺជាបញ្ហាដ៏គគុកមួយដែល នឹងអាចកើតឡើងនៅថ្ងៃខាងមុខទៀតមិនខានប្រសិនបើគណបក្សប្រឆាំងនិងរដ្ឋាភិបាលនៅតែប្រឈមដាក់គ្នាបែបនេះ។
ប្រព័ន្ធផ្សាយផ្សាយក្នុងតំបន់បានអោយដឹងថាកាលពីថ្ងៃសុក្រកន្លងមកមនុស្សយ៉ាងហោចណាស់៦នាក់បានស្លាប់
និងមនុស្សជា ង១០០នាក់ទៀតបានរងរបួសជាទំងន់បន្ទាប់ពីក្រុមអ្នកតវ៉ាទាំងអស់នោះបានប៉ះទង្គិចជាមួយនឹងក្រុមប៉ូលីសរបស់រដ្ឋាភិបាល។មន្រ្តីប៉ូលីសបានបន្តទៀតថាក្រុមអ្នកបាតុករទាំងអស់នោះបានដុតយានយន្តជាច្រើនគ្រឿងនៅក្នុងទីក្រុងដាកា។ មន្រ្តីប៉ូលីស ដដែលបានបន្ថែមថាការប៉ះទង្គិចរវាងក្រុមអ្នកតវ៉ានិងក្រុមប៉ូលីសនៅដើមឆ្នាំនេះបានបណ្តាលអោយមនុស្សជាង ១៥០នាក់ស្លាប់។ ដោយ៖ តុលា