ប្រទេសឥណ្ឌា៖ មន្រ្តីប៉ូលីសឥណ្ឌាបាននិយាយថា ក្រុមនាវិករបស់សហរដ្ឋអាមេរិកជាច្រើននាក់ត្រូវ
បានចាប់ខ្លួនពីបទដឹកអាវុធខុសច្បាប់ចូលក្នុងដែនទឹកប្រទេសឥណ្ឌា។ ឆ្មាំសមុទ្រម្នាក់មកពីរដ្ឋ Ohio
ព្រមទាំងក្រុមនាវិក ៣៥នាក់ទៀតត្រូវបានឃុំខ្លួនកាលពីថ្ងៃទី ១២ខែតុលាមកម្លេះនៅឯកំពង់ផែ
Tuticorin ភាគខាងត្បូងនៃរដ្ឋ Tamil Nadu។ មន្ត្រីប៉ូលីសបានអោយដឹងថា ភាគច្រើននៃក្រុមនាវិកទាំងអស់
នោះគឺមកពីប្រទេសឥណ្ឌាប្រទេសអង់គ្លេសប្រទេសអ៊ុយក្រែននិងប្រទេស Estonia។ មន្រ្តីប៉ូលីសបាន
អោយដឹងថា នាវាដ៏ធំនោះគឺមកពីទីក្រុង Sierra Leone ហើយលោកបានបន្តទៀតថា នាវានោះគឺគ្រប់
គ្រងដោយក្រុមហ៊ុនសន្តិសុខឯកជនមួយដែលមានមូលដ្ឋាននៅសហរដ្ឋអាមេរិក។ មន្រ្តីស្ថានទូត របស់សហរដ្ឋអាមេរិកនៅក្នុងទីក្រុងដេលីប្រទេសឥណ្ឌាបានប្រាប់សារព័ត៌មាន BBCថា គាត់គ្មានអ្វី
នឹងអធិប្បាយពីរបាយការណ៍នេះឡើយ។

មន្រ្តីប៉ូលីសប្រចាំកំពង់ផែ Tuticorin បាននិយាយថា ក្រុមនាវិកទាំងអស់នោះគឺត្រូវបានបញ្ជូនទៅ
ស្ថានីយ៍ ប៉ូលីស Motiapuram ដើម្បីសួរចម្លើយ។ កាលពីឆ្នាំមុន ក្នុងខែកុម្ភះប៉ូលីសឥណ្ឌាបានចាប់
ខ្លួនកងនាវិកអ៊ីតាលី ២នាក់ដោយចោទពីប្រកាន់ពីបទសំលាប់អ្នកនេសាទឥណ្ឌា ២នាក់។  កងនាវិកអ៊ីតាលីទាំងពីរនាក់នោះបាននិយាយថា ពួកគេស្មានតែជាចោរសមុទ្រទើបពួកគេបាញ់ទៅ។
បញ្ហាបែបនេះបានធ្វើអោយប្រទេសទាំងពីរមានការចរចារការទូតអស់ពេលដ៏យូរ។ ដោយ៖ តុលា