ប្រទេសប្រេស៊ីល៖ នៅក្នុងទីក្រុង Rio de Jeneio មនុស្សជាង ១០០០០នាក់បានដង្ហែរជាក្បួនមួយ
ដើម្បី ទាមទារអោយរដ្ឋាភិបាលប្រទេសប្រេស៊ីលតំឡើងប្រាក់ខែដល់គ្រូបង្រៀនគ្រប់ៗគ្នា។ ក្រុមអ្នក
តវ៉ាទាំងនោះបាននាំគ្នាដើរដុតអាគារធំៗនៅក្នុងទីក្រុងនោះហើយក្រុមប៉ូលីសក៏បានបាញ់ឧស្ម័នបង្ហូរ
ទឹកភ្នែកទៅលើក្រុមអ្នកតវ៉ាទាំងនោះវិញដែរ។
ចំណែកនៅក្នុងទីក្រុង Sao Paulo វិញក្រុមអ្នកតវ៉ាជាច្រើននាក់និងក្រុមប៉ូលីសបានប្រឈមមុខដាក់
គ្នាយ៉ាងសាហាវបន្ទាប់ពីធានាគារមួយចំនួនត្រូវបានដុតបំផ្លាញដោយក្រុមអ្នកតវ៉ាទាំងនោះ។ មន្រ្តី
ប៉ូលីសប្រេស៊ីលបាននិយាយថាបញ្ហាអសន្តិសុខនៅក្នុងទីក្រុងនេះគឺកំពុងតែកើនឡើនយ៉ាងខ្លាំង
ដែលវាអាចជាផលប៉ះពាល់ដល់ការប្រកួតបាល់ទាត់ពិភពលោកឆ្នាំ២០១៤និងកីឡាអូឡាំពិកឆ្នាំ
២០១៦ ដែលនឹងធ្វើឡើងនៅក្នុងទីក្រុង Sao Paulo នេះ។
ការប៉ះទង្គិចនេះបានកើតតឡើងអស់ជាច្រើនម៉ោងដែលបានបណ្តាលធានាគារមួយចំនួននៅក្នុងទីក្រុង
ត្រូវភ្លើងឆាបឆេះយ៉ាងសន្ធោសន្ធៅ។ ជនអនាធិបតេយ្យម្នាក់ឈ្មោះ Hugo Cryois អាយុ ២៣ បាននិយាយ
ថា បើគ្មានប៉ូលីសនៅទីនោះទេវាក៏គ្មានអំពើហឹង្សានោះដែរ។ លោកបានបន្តទៀតថា មានមនុស្សប្រហែល ជា ៥០០០០នាក់បានចូលរួមក្នុងក្បួនដង្ហែរនោះមុនពេលមានអំពើហឹង្សាកើតឡើង ក៏ប៉ុន្តែមន្រ្តីប៉ូលីស បានអះអាងថាមានមនុស្សត្រឹមតែ ១០០០០នាក់ប៉ុណ្ណោះនៅក្នុងក្បួនដង្ហែរនោះ។ ដោយ៖ តុលា