ប្រទេសឥណ្ឌា៖ មន្រ្តីប៉ូលីសប្រទេសឥណ្ឌាបានអោយដឹងថា អ្នកទោស ៧នាក់បានរត់ចេញពីគុកមួយ កន្លែងភាគខាងជើងនៃរដ្ឋ Madhya Pradesh ប្រទេសឥណ្ឌា។ប៉ូលីសបានអោយដឹងថា ក្រោយមកអ្នកទោស ម្នាក់ត្រូវបានចាប់ខ្លួនដែលលាក់ខ្លួននៅក្បែរគុកមួយកន្លែងក្នុងស្រុក Khandwa។ ប៉ូលីសបានបន្តទៀតថា អ្នកទោសទាំងអស់នោះបានគេចខ្លួនដោយ វាយបំបែកជញ្ជាំងបង្គន់ បន្ទាប់មកពួកគេក៏បានវាយប្រហារ
ប៉ូលីសពីរនាក់ទៀតអោយរងរបួសជាទំងន់ រួចក៏គេចខ្លួនបាត់ទៅ។
លោក Uma Shanker Guptaមន្រ្តីប៉ូលីសប្រចាំស្រុក Madhya Pradesh បានប្រាប់បណ្តាញទូរទស្សន៍ NDTV ថា
ពួកគាត់កំពុងតែតាមស្វែងរកអ្នកទោសទាំងអស់មកឃុំឃាំងក្នុងគុកវិញ។ លោកបានបន្តទៀតថា មូលហេតុ ដែលអ្នកទោស ៧នាក់រត់គេចខ្លួនបានគឺមកពីសន្តិសុខយាមគុកមិនសូវយកចិត្តទុកដាក់ក្នុងការងារទើបធ្វើ អោយមានរឿងនេះកើតឡើង។
ដោយ៖ តុលា