អ៊ីរ៉ាក់៖ មន្ត្រីក្រសួងមហាផ្ទៃរបស់អ៊ីរ៉ាក់បានប្រាប់សារព័ត៌មាន CNNថា កាលពីថ្ងៃអង្គារ ទី១៧ មនុស្សយ៉ាង ហោចណាស់ ៣៥នាក់បានស្លាប់ និងជាង១០០នាក់ទៀតបានរងរបួសជាទំងន់ដោយសារការបាញ់ប្រហារ និងការបន្ទុះគ្រាប់បែកមួយកន្លែងក្នុងប្រទេសអ៊ីរ៉ាក់។មន្ត្រីប៉ូលីស បានបន្តថា ករណីបន្ទុះ គ្រាប់បែក ក្នុងឡាន ទាំង១១លើក បានធ្វើអោយមនុស្ស ២៩នាក់ស្លាប់និង ១០៧នាក់ទៀតទទួលរងរបួសជាទំងន់នៅក្នុង៩តំបន់ ផ្សេងៗគ្នានៃទីក្រុង Baghdad ហើយភាគច្រើននៃអ្នកស្លាប់និងជនរងគ្រោះគឺជាពួកស៊ីវិល។
នៅក្នុងតំបន់ Falluja ប្រហែល ៦០គីឡូម៉ែត ភាគខាងលិចនៃទីក្រុងBaghdad មនុស្ស ៥នាក់បានស្លាប់និង១២ នាក់ទៀតបានរងរបួសនៅពេលដែលខ្មាន់កាំភ្លើងបានវាយប្រហារលើស្ថានីយ៍ប៉ូលីសAl-Tahadjនៅភាគខាង ត្បូងនៃតំបន់ Fallujaរីឯនៅតំបន់Mosul ប្រហែលជា៤០០គីឡូម៉ែតភាគខាងជើងពីក្រុង Baghdadគ្រាប់បែកបាន ផ្ទុះនៅក្នុងក្បួនដង្ហែររបស់លោកGen.មួយ .Mahhamed Khamas ដែលធ្វើអោយគាត់ស្លាប់ភ្លាមៗ។ លោក Khamas ជាអនុប្រធានស៊ើបការណ៍នៅក្នុងទីក្រុងMosul។ក្នុងបរទេសអ៊ីរ៉ាក់មានការប៉ះទង្គិចគ្នាយ៉ាងខ្លាំង រវាង ពួកShiiteនិងពួកSunni នៅពេលកងកំលាំងអ៊ីរ៉ាក់បានវាយប្រហារ លើអ្នកតវ៉ា Sunni ប្រឆាំងនឹងរដ្ឋាភិបាលដែលដឹក នាំដោយពួកShiite។អង្គសហប្រជាជាតិបាននិយាយថាកាលពីខែសីហាជនជាតិអ៊ីរ៉ាក់ជាង៨០០នាក់ត្រូវបាន សំលាប់ និង ២០៣០នាក់បានទទួលរងរបួសនៅក្នុងអំពើហឹង្សានិងសកម្មភាព របស់ ពួកភារវករ។
ដោយ៖ តុលា