ភ្នំពេញ៖ ជនរងគ្រោះក្នុងរបបកម្ពុជាប្រជាធិបតេយ្យ (ខ្មែរក្រហម) បានទាមទារជាដាច់ខាតឲ្យ លោក កឹម សុខា ប្រធានស្តីទីគណបក្សសង្រ្គោះជាតិ មកអុជធូបសុំខមាទោស នៅចំពោះមុខវិញ្ញាណក្ខន្ធអ្នករងគ្រោះ ដែលបាន
ស្លាប់បាត់បង់ជីវិតនៅគុកទួលស្លែង ក៏ដូចជាប្រជាជនកម្ពុជាដែលបានស្លាប់យ៉ាងអាណោចអាធម៌ក្នុងរបប
ប្រល័យពូជសាសន៍ខ្មែរក្រហម នូវពាក្សសំដីដែលលោកបានដើរនិយាយជាមួយសកម្មជននៅតាមខេត្តក្នុង
ពេលកន្លងមក ។
លោក ជុំ ម៉ី ប្រធានសមាគមជនរងគ្រោះក្នុងរបបខ្មែរក្រហម បាននិយាយនៅក្នុងសន្និសីទកាសែតនៅព្រឹក
ថ្ងៃទី០៤ ខែមិថុនា ឆ្នាំ២០១៣ នាគុកទួលស្លែង ថា លោកនឹងដឹកនាំមនុស្សជាង២ម៉ឺននាក់ ធ្វើមហាបាតុកម្ម
នៅថ្ងៃទី០៩ ខែមិថុនា ឆ្នាំ២០១៣ នៅវេលាម៉ោង ៧:៣០ ព្រឹកនៅទៅលានប្រជាធិបតេយ្យ ដើម្បីទាមទាឲ្យ
លោក កឹម សុខា ប្រធានស្តីទីគណបក្សសង្គ្រោះជាតិ មកសុំទោសជនរងគ្រោះ ដែលបានស្លាប់បាត់បង់
ជីវិតក្នុងរបបខ្មែរក្រហម។
លោក ជុំ ម៉ី បន្តថា កាលដែលលោកធ្វើសន្និសីទកាសែតលើកទី២នេះ ក៏ដោយសារតែរយៈពេល១០ថ្ងៃ មក
ហើយលោកទុកពេលឲ្យលោក កឹម សុខា សុំទោសបានហួសកំណត់ទៅហើយ ហើយលោក កឹម សុខា នៅ
តែមិនសុំទោសទៀត។ ដូច្នេះលោកនៅតែប្រកាន់ជំហររបស់លោកថា លោកនឹងបន្តទាមទារឲ្យអ្នកនយោ
បាយរូបនេះទទួលខុសត្រូវចំពោះការនិយាយបំភាន់ប្រវត្តិសាស្រ្តថា គុកទួលស្លែងជាគុកសិប្បនិមិត្ម ដែល
ផ្ទុយពីការពិតដែលបានកើតមាននៅកម្ពុជា និងមានមនុស្សរាប់លាននាក់បានស្លាប់ ព្រមទាំងមនុស្សនៅ
លើពិភពលោកជាច្រើនគេបានដឹង បានឮពីរបបខ្មៅងងឹតសំលាប់ជាតិខ្លួនឯង។
ជនរងគ្រោះក្នុងរបបខ្មែរក្រហមបានបញ្ជាក់ថា ប្រសិនបើលោកដឹកនាំធ្វើមហាបាតុកម្មហើយនោះ នៅតែមិន
ទាន់ឃើញលោក កឹម សុខា មកសុំទោសជនរងគ្រោះនោះទេ លោកនឹងដឹកនាំមនុស្ស២ពាន់នាក់ យកញត្តិ
ទៅកាន់គណបក្សសង្គ្រោះជាតិ ដើម្បីទាមទារឲ្យ លោក កឹម សុខា ទទួលខុសត្រូវនិងពាក្សសំដីរបស់ខ្លួន ។
ទាក់ទិនទៅនឹងការលើកឡើងរបស់លោកកឹម សុខា ត្រូវបានជនរងគ្រោះជាច្រើនបានមកបញ្ចញប្រតិកម្ម
នៅព្រឹកមិញនេះដូជា៖ លោក នង ចាន់ផល នង ចាន់ថន និងលោកស្រី ជិន ម៉េត និងតំណាងសាសនិក
ឥស្លាម ជាសាក្សីរស់រានមានជីវិតពីមន្ទីរ ស-២១ ហើយក៏ដូចជនរងគ្រោះដទៃទៀតបានចូលរួមជាមួយតុ
លាការខ្មែរក្រហម ដើម្បីស្វែងរកការពិត និងយុត្តិធម៌រហូតដល់មេគុកទួលស្លែងត្រូវបានកាត់ទោសឲ្យជាប់
ពន្ធនាគារអស់មួយជីវិត។
ជនរងគ្រោះទាំងនោះ បានបង្ហាញនូវទឹកចិត្តរបស់គាត់ថា បន្ទាប់ពីមេខ្មែរក្រហមមួយចំនួនបានសារភាព និង
ទទួលទោសចំពោះមុខមនុស្សជាតិ និងប្រវត្តិសាស្រ្តរួចមក ពួគាត់ហាក់បានធូស្បើយក្នុងចិត្ត និងធូស្រាល
ចំពោះការឈឺចាប់នៃការបាត់បង់ឪពុកម្តាយ បង ប្អូន សាច់ញាត បានមួយអន្លើដែរ ។ ប៉ុន្តរឿង រ៉ាវទាំងនោះ
បែរជាត្រូវបានលោក កឹម សុខា ដែលជាអ្ននយោបាយគ្មានសច្ចៈភាពមកនិយាយគ្មានការពិត និងចង់បំផ្លែង
ប្រវត្តិសាស្រ្តទៅវិញ ធ្វើឲ្យពួកគាត់ទទួលរងនូវការឈឺចាប់ជាថ្មីម្តងទៀតព្រោះតែ សំដី មិនទទួលខុសត្រូវ
របស់អ្នកនយោបាយគ្មានមនសិការបែបនេះទៅវិញ។
បើទោះជាយ៉ាងនេះក៏ដោយពួកគាត់មិនចងកម្មពាអ្វីនិងជាតិសាស្រ្តខ្លួនឯងនោះទេ គឺត្រឹមតែសុំឲ្យលោកកឹម
សុខា មកអុជធូបសុំទោសចំពោះដួងវិញ្ញាណក្ខន្ធអ្នរងគ្រោះទាំងនោះបានហើយ ។ ប៉ុន្តែបើលោក កឹម សុខា
បែរជាកំសាកមិនមកទទួលខុសត្រូវ ហើយផ្ទុយទៅវិញប្រកែកយ៉ាងដាច់អហំការថា មិនទទួលស្គាល់សំដី
របស់ខ្លួន ហើយខិតខំបង្វែរឿងបុគ្គលដែលខ្លួនធ្វើខុសទៅជារឿងផ្សេងៗ ដែលដុតរោលកំដៅលោកក៏ដូច
ជាជនរងគ្រោះដទៃទៀតឡើងកំដៅកាន់តែខ្លាំងឡើងៗនោះ ក៏ពួកគាត់មិនសុខចិត្តដែរ ៕ ដោយ៖ ស.ស្អាត