ភ្នំពេញ៖ JICA ប្រចាំនៅកម្ពុជានិងក្រសួងសាធារណៈការ និងដឹកជញ្ជូននឹងរៀបចំពិធីបញ្ចុះបឋមសិលាគ
ម្រោងសម្រាប់ការស្តារឡើងវិញ និងការកាត់បន្ថយគ្រោះមហន្តរាយទឹកជំនន់នៅព្រះរាណាចក្រកម្ពុជាដែលនឹងប្រារព្ធធ្វើនៅថ្ងៃអង្គារទី២១ ខែឧសភា នៅសង្កាត់ប្អេរ ក្រុងកំពង់ឆ្នាំង ខេត្តកំពង់ឆ្នាំងក្រោមវត្តមានសម្តេច
ចៅហ្វាវាំងគង់សំអុលឧបនាយករដ្ឋមន្ត្រី និងជារដ្ឋមន្ត្រីក្រសួងព្រះបរមរាជវាំងនិងលោក យូជិ គូម៉ា ម៉ារ៉ូ ឯក
អគ្គរាជទូតជប៉ុនប្រចាំកម្ពុជា។
សេចក្តីប្រកាសព័ត៌មានរបស់ទីភ្នាក់ងារសហប្រតិបត្តិការអន្តរជាតិនៃប្រទេសជប៉ុននៅថ្ងៃច័ន្ទ ទី២០ ខែឧសភា
ឆ្នាំ២០១៣ បានបង្ហាញថា ពិធីបញ្ចុះបឋមសិលាគម្រោងដូចគ្នានេះនឹងត្រូវបានរៀបចំទ្បើងផងដែរនាព្រឹកថ្ងៃ
ព្រហស្បត្តិ៍ ទី២៣ ខែឧសភា វេលាម៉ោង៨នៅការដ្ឋានសាងសង់ត្រង់ចំណុចស្ពានលេខ៧ស្ពាន សម្ពុធោ២
ខេត្តព្រៃវែងក្រោមអធិបតីភាពលោក ស ខេង ឧបនាយករដ្ឋមន្ត្រីនិងជារដ្ឋមន្ត្រីក្រសួងមហាផ្ទៃនិងលោក យូជិ
គូម៉ា ម៉ារ៉ូ ឯកអគ្គរាជទូតជប៉ុន ប្រចាំព្រះរាជាណាចក្រកម្ពុជា។
សេចក្តីប្រកាសដដែលបានលើកឡើងទៀតថាគម្រោងនេះមានគោលបំណងដើម្បីធ្វើឲ្យប្រសើរឡើងនូវផ្លូវ
និងបណ្តាញលូនៅក្នុងទីក្រុងកំពង់ឆ្នាំង ហើយនិងការស្តារឡើងវិញ នូវស្ពានចំនួន៨តាមបណ្តោយផ្លូវជាតិ
លេខ១១។ ផ្លូវដែលត្រូវស្តារឡើងវិញតាមរយៈគម្រោងនេះគឺជាផ្លូវដ៏សំខាន់នៅក្នុងទីក្រុងកំពង់ឆ្នាំងដែល
បានខូចខាតដោយសារទឹកជំនន់នៅក្នុងឆ្នាំ២០១១។ ទោះបីជាផ្លូវទាំងនោះបានស្តារឡើងវិញជាបណ្តោះ
អាសន្នការកែលម្អទ្រូងផ្លូវដើរនិងការដាក់/ជួសជុលឡើងវិញនូវបណ្តាញលូគឺជាការចាំបាច់។ បន្ថែមពីនេះទៀតស្ពានចំនួន៨ នៅតាមបណ្តោយផ្លូវជាតិលេខ១១ ដែលត្រូវបានសាងសង់ក្រោមគម្រោងនេះគឺ ដើម្បី
ជំនួសស្ពានបណ្តោះអាសន្នដែលមានសភាពទ្រុឌទ្រោមនិងសមត្ថភាពរំដោះទឹកជំនន់មិនគ្រប់គ្រាន់ ។
សេចក្តីប្រកាសព័ត៌មានបានបញ្ជាក់ថាគម្រោងនេះ គឺជាការឆ្លើយតបទៅនឹងសំណើរបស់រាជរដ្ឋាភិបាល
កម្ពុជាទៅរាជរដ្ឋាភិបាលជប៉ុន សម្រាប់ជំនួយសង្គ្រោះបន្ទាន់ដើម្បីស្តារឡើងវិញ នូវគ្រោះមហន្តរាយទឹក
ជំនន់នៅក្នុងឆ្នាំ២០១១ ក្នុងចំនួនទឹកប្រាក់មួយពាន់ប្រាំរយដប់លានយ៉េន (១.៥១០.០០០.០០០) ប្រហាក់
ប្រហែលនឹង១៥,២លានដុល្លាអាមេរិច៕
ដោយ៖ ស.ស្អាត