ព្រៃវែង៖ កាលពីថ្ងៃទី០៩ ខែឧសភា ឆ្នាំ២០១៣ កន្លងទៅថ្មីៗនេះ នៅភូមិគ្រើល ឃុំអន្សោង ស្រុកកំពង់
ត្របែក ខេត្តព្រៃវែងមានពិធីជួបសំណេះសំណាលជាមួយរចនាសម្ព័ន្ធថ្នាក់ស្រុក និងថ្នាក់ឃុំទាំង១៣ដែល
មានអ្នកចូលរួមចំនួន៥៦នាក់។     កម្មវិធីនេះស្ថិតក្រោមអធិបតីភាពឯកឧត្តម យោគ ស៊ីថុន តំណាងលោក
ជំទាវ ផុន ផល្លា ប្រធានក្រុមការងារចុះពង្រឹងមូលដ្ឋានស្រុកកំពង់ត្របែក ខេត្តព្រៃវែង។

 រួមតំណើរក្នុងឱកាសនោះរួមមាន សហជីវិន សេង ធា អភិបាលរងស្រុកកំពង់ត្របែក,សហជីវិន ឃឹម សំ
អឿន, សហជីវិន ឥន ស៊ុត សមាជិកក្រុមប្រឹក្សាស្រុកកំពង់ត្របែក និងសហជីវិន អឹម វាសនា ក្រុមការងារ
ចុះពង្រឹងមូលដ្ឋានស្រុក ព្រមទាំងសហជីវិន   សហជីវិនីជាប្រធាន   អនុប្រធានគណៈកម្មការប្រតិបត្តិឃុំ
ទាំង១៣។

 អង្គពិធីសំណេះសំណាលនេះផ្តោតទៅលើការផ្ទៀងផ្ទាត់បញ្ជីឈ្មោះសមាជិកសមាជិកាអ្នកគាំទ្រសម្រាប់
ការបោះឆ្នោតតំណាងរាស្រ្តអាណត្តិទី៥   នៅថ្ងៃទី២៨   ខែកក្កដា     ឆ្នាំ២០១៣ខាងមុខ។  ឯកឧត្តម យោគ 
ស៊ីថុន    ក៏បានពាំនាំនូវបណ្តាំសាកសួរសុខទុក្ខពីលោកជំទាវ  ផុន  ផល្លា  និងពីសម្តេចរាជបុត្រី ព្រះអនុជ
នរោត្តម អរុណរស្មី   ប្រធានគណបក្ស   ហ្វ៊ុនស៊ិនប៉ិច ដែលព្រះអង្គតែងតែយកព្រះទ័យទុកដាក់ចំពោះសុខ
ទុក្ខរបស់បងប្អូនសកម្មជនមូលដ្ឋាន  នៅទូទាំងប្រទេស។       ឯកឧត្តមក៏បានជម្រាបបងប្អូនបន្ថែមទៀតថា 
សម្តេចរាជបុត្រី   ព្រះអនុជ   នរោត្តម  អរុណរស្មី ព្រះអង្គគឺជានិមិត្តរូបនៃការឯកភាពគ្នារវាងអ្នករាជានិយម
អ្នកសីហនុនិយម ក្នុងមហាគ្រួសារហ្វ៊ុនស៊ិនប៉ិច ពីព្រោះថា ព្រះអង្គជាបុត្រីពៅ (កូនស្រីពៅ)   របស់សម្តេច
ព្រះបាទនរោត្តម  សីហនុ ព្រះមហាវីរក្សត្រ”ព្រះបរមរតនកោដ្ឋ” និងជាព្រះបិតាស្ថាបនិកគណបក្សរាជានិ
យមហ្វ៊ុនស៊ិនប៉ិច។

ហើយម្ចាស់ក្សត្រីប្រធានគណបក្សមកគង់ប្រថាប់ដឹកនាំហ្វ៊ុនស៊ិនប៉ិចនៅពេលនេះ គឺជាពេលវេលាដ៏សាក
សមបំផុតក្នុងការប្រកួតប្រជែងបោះឆ្នោតសាកលនៅខែកក្កដា ឆ្នាំ២០១៣ ខាងមុខ    ។    បើយើងមើលពី
ចរន្តនយោបាយពិភពលោក ក៏ដូចជានយោបាយនៅក្នុងតំបន់សព្វថ្ងៃនេះឃើញថា ស្រ្តីបានក្លាយជាអ្នក
ដឹកនាំប្រទេសជាតិជាច្រើនរូបមានជាអាទិ៍ៈ   ប្រទេសអាឡឺម៉ង់ន៍ ប្រទេសអូស្រ្តាលី ប្រទេសកូរ៉េខាងត្បូង
និងប្រទេសថៃឡង់ន៍ជាដើម។ល។     ហើយបើតាមស្ថិតិរបស់គណៈកម្មធិការជាតិរៀបចំការបោះឆ្នោត
(គ.ជ.ប) បានអោយដឹងថា អ្នកមានសិទ្ធិបោះឆ្នោតជាស្ត្រីមានរហូតដល់ទៅ៥៣% នៃចំនួនអ្នកមានសិទ្ធិ
បោះឆ្នោតនៅទូទាំងប្រទេសកម្ពុជា។ ដូចនេះហ្វ៊ុនស៊ិនប៉ិចសង្ឃឹមថា បងប្អូនជាស្ត្រីនឹងពិនិត្យពិចារណា
លើបេក្ខភាពដឹកនាំប្រទេសជាតិជាស្ត្រីហើយផ្តល់លទ្ធភាពថ្វាយដល់សម្តេចរាជបុត្រី ព្រះអនុជ នរោត្តម
អរុណរស្មី ដើម្បីអោយព្រះអង្គមានឱកាសចូលរួមបំរើប្រទេសជាតិក្នុងការកសាង និងអភិវឌ្ឍន៍ប្រទេស
មានភាពរីកចំរើនថែមទៀតក្នុងរាជរដ្ឋាភិបាលចម្រុះនៅអាណត្តិទី៥ខាងមុខនេះ។

       មុនបញ្ចប់ពិធីសំណេះសំណាលឯកឧត្តម យោគ ស៊ីថុន បានផ្តល់ជូនដល់តំណាងថ្នាក់ដឹកនាំស្រុក
និងឃុំដែលចូលរួមទទួលបាននូវថ្នាំពេទ្យ ថវិកា និងឌីវីឌីស្តីពីរាជជីវប្រវត្តិ និងព្រះរាជសកម្មភាពរបស់
សម្តេចឪ សម្តេចតា ក្រោមចំណងជើងថា”ប្រជារាស្ត្រខ្មែរត្រូវការរបបរាជានិយម”(សម្រាប់ដាក់ជូនបង
ប្អូនសកម្មជនទស្សនានៅមូលដ្ឋាន)ផងដែរ៕ ដោយ ពុធ វិច្ឆិកា