ភ្នំពេញ៖ ក្រុមហ៊ុនកូរ៉េខាងត្បូង ប៊ូយ៉ុង គ្រុប (BOOYOUNG GROUP) បានធ្វើការ វិនិយោគ ខាងអចលន
ទ្រព្យ នៅប្រទេសកម្ពុជា ដែលការវិនិយោគនេះ មានទំហំទឹក ប្រាក់ រហូតដល់ ១.១៣៣លាន ដុល្លារអាមេរិក។
ការវិនិយោគលើទំហំទឹកប្រាក់ដ៏ច្រើនសន្ធឹកសន្ធាប់នេះ ធ្វើឡើងលើទំហំដីរហូតដល់ជាង ២លានម៉ែត្រការ៉េ
នេះបានសាងសង់នូវអគារ និងផ្ទះល្វែង, កន្លែងកម្សាន្ត, អគារពាណិជ្ជកម្ម, សាលារៀន និងផ្សារទំនើបព្រម
ទាំងមជ្ឈមណ្ឌល ជាច្រើនទៀត ត្រូវបានសម្ពោធ បើកការដ្ឋានសាងសង់ នៅព្រឹកថ្ងៃទី៧ ខែឧសភា ឆ្នាំ
២០១៣នេះ តាមបណ្តោយផ្លូវ សហព័ន្ធរុស្ស៊ី សង្កាត់ទឹកថ្លា ខណ្ឌសែនសុខ រាជធានីភ្នំពេញក្រោមវត្តមាន
លោកទេសរដ្ឋមន្រ្តី និង ជារដ្ឋមន្រ្តីក្រសួងរៀបចំ ដែនដីនគរូបនីយកម្ម និងសំណង់ លោក អ៊ឹម ឈុនលឹម និងឯកអគ្គរដ្ឋទូតកូរ៉េ ប្រចាំនៅកម្ពុជា លោក គីម ហានសួ និង ប្រធានក្រុមហ៊ុន ប៊ួយ៉ុង គ្រុប (BOOYOUNG GROUP) លោក លី ចុងឃិន និងតំណាងក្រុមហ៊ុន, តំណាងមន្រ្តីរដ្ឋាភិបាល ជាច្រើនទៀត។
ក្នុងវិធីសម្ពោធនេះ លោកទេសរដ្ឋមន្រ្តី អ៊ឹម ឈុនលឹម ថ្លែងថា បច្ចុប្បន្ននេះប្រទេស កូរ៉េ (កូរ៉េខាងត្បូង) បាន
ចាប់ផ្តើមធ្វើការវិនិយោគនៅប្រទេសកម្ពុជាកាន់តែច្រើនឡើងៗ ហើយការវិនិយោគទាំងនោះ មានដូចជា
រោងចក្រកាត់ដេរ, ផលិតអាល់កុល, ទីលានវាយកូនហ្គូល, ទីលានប្រណាំងសេះ និង រោងម៉ាស៊ីនកិនស្រូវ
ជាដើម។ហើយការវិនិយោគទាំងនេះបញ្ជាក់ឲ្យឃើញថា ប្រទេសកម្ពុជាបានកំពុងរីកចំរើនយ៉ាងខ្លាំងក្លាលើ
វិស័យសំណង់ និងអចលនទ្រព្យ។ សេដ្ឋកិច្ចកម្ពុជាកំពុងឈានទៅមុខតាមទិសដៅដ៏ត្រឹមត្រូវដោយសម្រេច
បាននូវសមិទ្ធផលដុំកំភួនច្រើនរាប់មិនអស់ ក្នុងការអភិវឌ្ឍប្រទេសជាតិ។
លោក គីម ហានស៊ួ ឯកអគ្គរដ្ឋទូតកូរ៉េប្រចាំនៅកម្ពុជាបានរំពឹងថា ក្រុមអ្នកវិយោគរបស់ប្រទេសកូរ៉េ នឹងមក
ដាក់ការវិនិយោគនៅប្រទេសកម្ពុជា កាន់តែច្រើនបន្ថែមទៀត ដោយសម្លឹងឃើញថា ប្រទេសកម្ពុជាមានស្ថិរ
ភាពនយោបាយល្អប្រសើរ ហើយនិងសន្តិភាពពេញលេញ។ នៃការវិនិយោគនេះនឹងកាន់តែធ្វើឲ្យប្រទេស
ទាំងពីរ(កម្ពុជា-កូរ៉េ)មានកិច្ចសហប្រតិបត្តិការ នឹងគ្នាបន្ថែម ទៀតលើគ្រប់វិស័យ៕
ដោយ៖ ស.ស្អាត