ភ្នំពេញ៖ ប្រទេសម៉ាក់រ៉ុក ចង់ចុះកិច្ចព្រមព្រៀងលើកលែងទិដ្ឋាការ លិខិតឆ្លងដែនកាទូត និងទិដ្ឋាការផ្លូវការជាមួយកម្ពុជា ដើម្បីបន្តទំនាក់ទំនង ការទូតកាន់ តែស៊ីជម្រៅថែមទៀតរវាង ប្រទេសទាំងពីរ។ក្នុងជំនួបពិភាក្សា ការងារជាមួយ លោក ហេង សំរិនប្រធានរដ្ឋសភា នៅព្រឹកថ្ងៃចន្ទនេះ លោក អាប់ដេលីឡះ អេលហ៊ួស្នី ឯកអគ្គរាជទូត វិសាមញ្ញ និងពេញសមត្ថភាពប្រចាំ កម្ពុជា មានវេសនដ្ឋាន នៅទីក្រុងបាំងកក ប្រទេសថៃ បញ្ជាក់ថា ប្រទេសម៉ាក់រ៉ុក ចង់ចុះកិច្ចព្រមព្រៀង លើកលែងទិដ្ឋាការ លិខិតឆ្លងដែនកាទូត និងទិដ្ឋាការផ្លូវការ ជាមួយកម្ពុជា។ជាការជំរុញ កិច្ចសហប្រតិការសភាម៉ារ៉ុក និងកម្ពុជា លោក ចង់ឃើញ កិច្ចសហប្រតិការ ច្រើនជំនាន់ នៃប្រទេសទាំងពីរ កាន់ជិតស្និទ្ធិ ថែមទៀត។
លោក ហេង សំរិន ប្រធានរដ្ឋសភា នៃព្រះរាជាណាចក្រកម្ពុជា បានបញ្ជាក់ថា ជាការសង្កេតឃើញ ដោយការពេញចិត្ត ចំពោះវឌ្ឍនភាព នៃកិច្ចសហប្រតិបត្តិការ ល្អរវាងព្រះរាជាណាចក្រ យើង ទាំងពីរ កម្ពុជា‑ ម៉ារ៉ុក តំាងពីបានភ្ជាប់ទំនាក់ទំនងការទូត ជាមួយគ្នា ឡើងវិញ រហូតដល់បច្ចុប្បន្ន។ សហប្រតិបត្តិការ កម្ពុជា ‑ម៉ាករ៉ុក អាចនិយាយ បានថា ជាតំណាងឲ្យសហប្រតិបត្តិការ រវាង ទ្វីបអាស៊ី និងទ្វីប អាហ្វ្រិក ។ ក្នុងនាម ប្រជារាស្ត្រកម្ពុជា សម្តេច មានសេចក្តីររីករាយ ចំពោះ ការទំនាក់ទំនងនេះ និង សូម ជំរុញ ប្រទេសពីរ ឲ្យបន្ត រក្សាសហប្រតិបត្តិការនេះឲ្យបានស្ថិតស្ថេរ ។
តាមរយៈ មន្ត្រីការទូតរូបនេះ សម្តេចត្រូវបាន លោក ខារីម ហ្គេល្លេប ប្រធានរដ្ឋសភានៃព្រះរាជាណាចក្រម៉ារ៉ុក អញ្ជើញឱ្យទៅ បំពេញទស្សន កិច្ចជាផ្លូវការ និងមិត្តភាព នៅប្រទេសម៉ារ៉ុកផងដែរ៕
ដោយ៖ រតនា