ប្រទេសស៊េរី៖ កាលពីថ្ងៃអាទិត្យម្សិលមិញ ការបំផ្ទុះគ្រាប់បែកមួយគ្រាប់នៅក្នុងទីក្រុង Aleppo ប្រទេសស៊េរីបាន
ឆក់យកជីវិតមនុស្សជាច្រើននាក់ដែលនៅក្នុងនោះរួមមានលោក Abu Khaled al-Suri ដែលជាមេដឹកនាំរបស់ពួក
ឧទាមផងដែរ។ លោក Ahrar al-Sham បានមានប្រសាសន៍ថា អ្នកដែលនៅពីក្រោយរឿងខាងលើនេះគឺជាក្រុមស
កម្មប្រយុទ្ធមួយផ្សេងទៀតឈ្មោះថា រដ្ឋអ៊ីស្លាមប្រចាំប្រទេសអ៊ីរ៉ាក់និងតំបន់ Levant ( Islamic State of Iraq and
the Levant) ដែលគេនិយមហៅកាត់ថា ក្រុម ISIS។ សូមបញ្ជាក់ថា ក្រុម ISIS គឺជាសត្រួវស៊ីសាច់ហុតឈាមជា
មួយនឹងពួកឧទាមនៅប្រទេសស៊េរី តាំងតែពីដើមខែមករាមកម្លេះ ដែលបានបណ្តាលអោយសមាជិកនៃភាគីទាំង
សងខាងស្លាប់អស់រាប់រយនាក់។ យោងតាមសំដីរបស់ពួកឧទាមបានអោយដឹងថា ការវាយប្រហារខាងលើនេះគឺ
បង្កឡើងដោយសមាជិកនៃក្រុម ISIS ត្រឹមតែ ២នាក់ប៉ុណ្ណោះ៕ ដោយ៖ តុលា
