ភ្នំពេញ៖ ប្រជាពលរដ្ឋប្រមាណ២៧នាក់តំណាងឱ្យ៤៧គ្រួសារមកពី ភូមិសាលាក្រវ៉ាន់ ភូមិរំចេក ភូមិរវៀង និង
ភូមិតាទុំ ក្នុងឃុំរំចេក ស្រុកបន្ទាយស្រី ខេត្ត សៀមរាបនៅព្រឹកថ្ងៃទី២៥ខែ មីនា ឆ្នាំ២០១៣​នេះ បានមកជួបជុំគ្នា
នៅមុខវត្តបុទុបតីរាជធានីភ្នំពេញ ដើម្បីដាក់ញតិសុំអន្តរាគមន៍ពីសម្តេចតេជោហ៊ុន​សែន ជុំវិញបញ្ហាការរំលោភ
យកដីធ្លីពីសំណាក់ក្រុមហ៊ុនលីអ៊ុំអេង និង លី អ៊ុំឆាយ ដែលអូសបន្លាយ​អស់ពេលជាង៦ឆ្នាំមកហើយនោះ។
តំណាងអ្នកភូមិទាំង៤៧គ្រួសា មកពីឃុំរំចេក ស្រុកបន្ទាយស្រី ខេត្ត សៀមរាប អ្នកស្រី ទេស ជឿន បាន​​ឲ្យដឹង
ថា ពួកយើងខ្ញុំមករាជធានីភ្នំពេញនៅថ្ងៃនេះ គឺដើម្បីដាក់ញតិសុំ​អន្តរាគមន៍ពីសម្តេចតេ​​ជោ​ហ៊ុន​​​​ សែននាយក
រដ្ឋមន្រ្តី ជុំវិញការរំលោភបំពានយកដីធ្លីប្រជាពលរដ្ឋដោយអយិត្តិធម៌ពីសំណាក់​ក្រុម ហ៊ុន លីអ៊ុំ អេង និង​​ក្រុម​
ហ៊ុនលី អ៊ុំឆាយ ចំនួន​​១៤៨,២០២០ហិកតា តាំងតែពី៦ឆ្នាំកន្លងមកហើយ​នោះ។   តំណាងអ្នកភូមិរូបនេះបន្តថា
បញ្ហានេះក្រុមអ្នកភូមិបានប្តឹងទៅអាជ្ញាធរខេត្តរួចហើយ ប៉ុន្តែមិនមាន​ដំណោះ​​​ស្រាយទាល់តែសោះរហូតមក
ដល់ពេលនេះ ម៉្យាងទៀតដោយសារខាងភាគីក្រុមហ៊ុនគេនៅតែ​អះអាងថាដីទាំងអស់នោះគេបានទិញពីប្រជា
ពលរដ្ឋតែការពិតពួកគាត់ជាពលដ្ឋម្ចាស់ដីស្របច្បាប់​ដែលមានការទទួលស្គាល់ពីមេភូមិ មេឃុំ​ និងស្រុកមិន
បានលក់នោះឡើយ។  កញា ថុន សាមិន មកពីភូមិសាលាក្រវ៉ាន់ បានឲ្យដឹងថាថ្ងៃនេះយើងខ្ញុំតំណាងឲ្យអ្នក
ភូមិទាំង៤៧ គ្រួសារបានមកដល់ភ្នំពេញ និងបានជួបលោក គង់ ចំរើន ជាក្រុមលេខារបស់សម្តេចអគ្គមហា
​សេនាបតី​តេជោ ហ៊ុន សែន នាយករដ្ឋមន្រ្តី បានមកទទួលញត្តិសុំអន្តរាគមន៍ពីប្រជាពលរដ្ឋ​ហើយដោយ
លោកសន្យាថានឹងនាំយកញត្តិនេះទៅជូនថ្នាក់លើដើម្បីពិនិត្យ និងដាក់ជូនទៅសម្តេច នាយករដ្ឋមន្រ្តី ។
ដោយ ឡែកចំពោះពួកគាត់ទាំងអស់គ្នានឹងត្រឡប់ទៅខេត្តសៀមរាបវិញនៅថ្ងៃនេះ រង់ចាំដំណឹងល្អពីថ្នាក់
ពិសេសពីសម្តេចតេជោ ហ៊ុន សែន និងលោកជំទាវគតិព្រឹទ្ធបណ្ឌិត ដែលលោកទាំងពីតែងតែគិតគូរ ដោះ
ស្រាយដោយយុត្តិធម៌បំផុតជូនប្រជាពលរដ្ឋស្លូតត្រង់ ដែលត្រូវរងការរំលោភបំពានយកដីធ្លីពីសំណាក់
ក្រុមហ៊ុន និងអ្នកមានលុយ មានអំណាចដោយអយុត្តិធម៌ ។នៅក្នុងញត្តិសុំអន្តរាគមន៍ ពលរដ្ឋអ្នកភូមិបាន
ខាងលើបានរាយការណ៍អំពីប្រវត្តនៃការតស៊ូក្នុងការ​រកដំណោះស្រាយជាមួយក្រុមហ៊ុន លី អ៊ុំអេង តាំងតែ
ពីដើមរហូតដល់ដល់សព្វថ្ងៃ ដែលមាន​ជាច្រើន​ដំណាក់កាល ក្នុងនោះផ្តើមសុំអន្តរាគមន៍ពីភូមិ និងឃុំ
ដើម្បីបញ្ឈប់សកម្មភាពឈូសឆាយរបស់ក្រុមហ៊ុន ហើយងាកមកជួបដោះស្រាយទល់មុខគ្នានៅសាសា
ឃុំតែត្រូវក្រុមហ៊ុនបដិសេធន៍ និងបង្កើនល្បឿន​ឈួស​​​ឆាយបន្ថែមដោយវាយបំផ្លាញបង្គោលរបង ព្រំដី
ភ្លឺស្រែ ប្រឡាយទឹក កាប់បំផ្លាញដំណាំ និងមិនឲ្យពលរដ្ឋចូលទៅបង្កបង្កើនផលថែមទៀត ។ បន្តមកបានធ្វើញត្តិសុំអន្តរាគមន៍ទៅសាលាខេត្ត សៀមរាប និងអ្នកតំណាងរាស្រ្ត កាលណោះមានប្រជា
ពលរដ្ឋតែ២២គ្រួសារទេដែលរងគ្រោះដោយសារ​ការរំលោភបំពាននេះ ប៉ុន្តែសកម្មភាព\នោះបានបន្តរាល
ដាលពីមួយថ្ងៃទីមួយថ្ងៃជាបន្តបន្ទាប់​ធ្វើឲ្យចំនួន​ពលរដ្ឋរងគ្រោះ មានការកើនឡើងរហូតដល់៣៦គ្រួសារ
ស្មើនឹង១៨៩នាក់ ដែលមានផ្ទែដីរហូតដល់​១០៤,៦៤៣ហិកតា គិតត្រឹមថ្ងៃទី២៩កញ្ញា២០១០។
ក្រោយមកទៀត ធ្វើញត្តិសុំអន្តរាគមន៍ពីក្រុមយុវជន ស្ម័គ្រចិត្ត សម្តេចតេជោក្នុងស្រុកបន្ទាយស្រី ពេលនោះ
ចំនួនប្រជាជនដែលរងការរំលោភបំពានបានបន្ត​កើនដល់៤៧គ្រួសារស្មើនឹងចំនួនមនុស្ស២៦០នាក់មាន
ទំហំផ្ទៃដីរហូតដល់១៤៨,២០២០ហិកតា ហើយ លទ្ធផលនៅតែមិនមានដំណោះស្រាយ ទើបឈានដល់ការ
សុំអន្តរាគមន៍ និងរកយុត្តិធម៌ ពីសម្តេច នាយករដ្ឋមន្រ្តី ហើយរឿងនេះមានតែសម្តេចម្នាក់គត់តែអាចបញ្ឈប់
សកម្មភាពក្រុមហ៊ុននិងបញ្ចប់ការ រំលោភបំពានដោយអយុត្តិធម៌ពីសំណាក់ក្រុមហ៊ុន លី អ៊ុំអេង និង ក្រុមហ៊ុន
លី អ៊ុំឆាយ នេះបាន៕

ដោយ៖ ស.ស្អាត