ភ្នំពេញ៖ លោកជាច័ន្ទ បរិបូរណ៍ រដ្ឋលេខាធិការ ក្រសួងព័ត៌មានបានជុំរុញលើកទឹកចិត្ត ដល់ប្រព័ន្ធផ្សព្វផ្សាយ និងអ្នកសារព័ត៌មានទាំងអស់ត្រូវហ៊ានរាយការណ៍ពីបទល្មើសចរាចរណ៍ណ៍គ្រប់ប្រភេទ កុំខ្លាចថា រថយន្តទំនើប ឬអ្នកធំមានឋានៈអ្វីក៏ដោយឱ្យតែប្រព្រឹត្តិខុសច្បាប់ចរាចរត្រូវតែផ្សាយ។
.jpg)
លោក លើកឡើងបែបនេះ ក្នុងឱកាសបិទវគ្គបណ្តុះបណ្តាលស្តីពី កត្តាហានិភ័យលើការមិនពាក់មួកសុវត្ថិភាព និង ការបើកបរក្រោមឥទ្ធិពល នៃគ្រឿងស្រវឹង នាព្រឹកថ្ងៃទី២២ខែវិច្ជិកាឆ្នាំ២០១៣នៅទីស្តីការក្រសួងព័ត៌មាន។លោក ជាច័ន្ទបរិបូរណ៍ រដ្ឋលេខាធិការ ក្រសួងព័ត៌មានមានប្រសាសន៍ថា ប្រព័ន្ធផ្សព្វផ្សាយមានតួនាទីសំខាន់ណាស់ក្នុងការចូលរួមផ្សព្វផ្សាយច្បាប់ចរាចរណ៍ ដល់សាធារណៈជន ដើម្បី ចូលរួមកាត់បន្ថយគ្រោះថ្នាក់ចរាចរណ៍។
ប៉ុន្តែទន្ទឹមនឹងនេះ ប្រព័ន្ធផ្សព្វផ្សាយ និងអ្នកសារព័ត៌មានជាពិសេសប្រព័ន្ធFacebook មិនត្រូវលើកលែងចំពោះបុគ្គល ឬបុគ្គលណាម្នាក់ដែលបានប្រព្រឹត្ត ខុសនោះឡើយ។ លោកបន្តថា កាលណាយើងបើកបរលើដងផ្លូវមិនថា អ្នកណាម្នាក់ឡើយ ត្រូវ ឈរលើគោលការណ៍ច្បាប់ចរាចរណ៍ទាំងអស់គ្នាទើបសង្គមយើងអាចកាត់បន្ថយគ្រោះថ្នាក់ច រាចរ ណ៍បានមកនៅកម្រិតទាប។
លោក រដ្ឋលេខាធិការ ក្រសួងព័ត៌មានបន្ថែមថា ការផ្សព្វផ្សាយចំពោះអ្នកធ្វើខុសនេះ គឺជាការបង្ហាញឲ្យឃើញថា ទី១ គឺយើងបានចង្អុលឲ្យមតិសាធារណជនមើលទៅឃើញថាបុគ្គលហ្នឹងគាត់បានធ្វើខុស ដូច្នេះគាត់ត្រូវតែកែប្រែ
។ ជាមួយគ្នានេះដែរ លោក ក៏បានសំណូមពរមួយទៅលើបណ្តាញFacebookដែលជាប្រព័ន្ធមានប្រជាប្រិយភាពសម្រាប់យុវវ័យ កុំខ្លាចនឹងថតរាល់សកម្មភាពអ្នកដែលប្រព្រឹត្តិខុសនៅលើដងផ្លូវ យកទៅចុះជាសាធារណៈ កាលណាយើងធ្វើរបៀបនេះគឺបានធ្វើឲ្យគាត់មានការកែប្រែខ្លួន ។
«បើយើងឃើញរថយន្តទំនើបមួយបើកបញ្ច្រាស់ផ្លូវ ហើយ យើងមិនហ៊ានថតផ្សាយ គឺវាមិនគាប់បីទេ ក្នុងនាមយើងជាវិជ្ជាជីវសារពត៌មាន។ ដូចនេះគឺរថយន្តទំនើបបានធ្វើខុសត្រូវតែចុះផ្សាយ និងរថយន្តមិនទំនើបធ្វើខុសក៏ត្រូវតែចុះផ្សាយដែរ ឃើញម៉ូតូធ្វើខុសត្រូវតែផ្សាយ គឺនៅលើដងផ្លូវមានសិទ្ធិស្មើតែគ្នាទេ គ្មានឋានៈទេ លើកលែងតែក្បួនរថយន្តមួយចំនួនដែលមានអត្ថិភាព គឺយើងត្រូវផ្តល់អត្ថិភាពទៅតាមច្បាប់ តែអ្នកមិនមានអត្ថិភាពគឺត្រូវគោរពច្បាប់ទាំងអស់គ្នា។»
យោងតាមរបាយការណ៍របស់គណៈកម្មាធិការ សុវត្ថិភាពចរាចរណ៍ផ្លូវគោក បានបង្ហាញឲ្យឃើញថា គ្រោះថ្នាក់ចរាចរណ៍ កាលពីឆ្នាំ២០១២ សម្លាប់មនុស្ស ជិត ២.០០០នាក់ ហើយថវិកាជាតិ ខាតបង់មានចំនួន ៣២០ លានដុល្លារ ក្នុងនោះ យុវជនជាអ្នកប្រឈមខ្លាំង ជាងគេចាប់ពីអាយុ៣០ឆ្នាំចុះក្រោម៕ ដោយ៖ រតនា