ភ្នំពេញ៖ផ្ទះលក់គ្រឿងសង្ហារឹមយីហោ៧មករាមានដូចជាពូកខ្នើយជាដើមដែលមានទីតាំង ស្ថិតនៅតាម
បណ្ដោយផ្លូវលេខ៩៣កែងផ្លូវមុនីវង្សសង្កាត់អូរឫស្សីទី៤ខណ្ឌ៧មករានៅរសៀលថ្ងៃទី២៣ខែមីនាឆ្នាំ២០១៣
នេះបានរងការឆាបឆេះយ៉ាងខ្លាំង។
សេចក្ដីរាយការណ៍ពីកន្លែងកើតហេតុបានឱ្យដឹងថាអគ្គីភ័យបាននិងកំពុងឆាបឆេះយ៉ាងខ្លាំងដែលអាច
រីករាលដាលទៅកាន់ផ្ទះប្រជាពលរដ្ឋនៅក្បែរខាងប៉ុន្ដែមិនទាន់ដឹងពីមូលហេតុដែលនាំឱ្យមានអគ្គីភ័យ
ខាងលើនេះនៅឡើយទេ។ស្នងការនគរបាលរាជធានីភ្នំពេញលោកឧត្ដមសេនីយ៍ជួនសុវណ្ណបានបញ្ជាក់ឱ្យ
ដឹងថាលោកបានបញ្ជាឱ្យបញ្ជូនរថយន្ដពន្លត់អគ្គីភ័យជាច្រើនគ្រឿងទៅជួយអន្ដរាគមន៍ករណីនេះហើយ។
នៅកន្លែងកើតហេតុប្រធានការិយាល័យបង្កានិងពន្លត់អគ្គីភ័យរាជធានីភ្នំពេញលោកនេតវត្ថាបាននិងកំពុង
ដឹកនាំកម្លាំងសមត្ថកិច្ចជាមួយអាជ្ញាធរនិងប្រជាពលរដ្ឋមូលដ្ឋាននៅកន្លែងកើតហេតុជួយពន្លត់អគ្គីភ័យខាង
លើនេះ។
អ្នកមានលំនៅឋានក្បែកន្លែងកើតហេតុបានមិនហ៊ានអះអាងថាគ្រោះអគ្គិភ័យនេះកើតឡើងបណ្តាលមកពីមូលហេតុអ្វីនោះទេ។ ប៉ុន្តែសមត្ថកិច្ចនិងក្រុមពន្លត់អគ្គិភ័យបានចុះទៅអន្តរាគមន៍និងបាញ់ពន្លត់អណ្តាតភ្លើងដែលកំពុងឆាបឆេះយ៉ាងញាប់ដៃញាប់ជើង។ដោយប្រើប្រាស់រថយន្តពន្លត់អគ្គិភ័យអស់ចំនួន១០គ្រឿងហើយ
តែពុំទាន់ដឹងថាយ៉ាងណានៅឡើយទេព្រោះទិដ្ឋភាពជាក់ស្តែងអណ្តាតភ្លើងកំពុងស្ថិតនៅក្នុងស្ថានភាពងងឹត|
ដោយមានផ្សែងខ្មួលខ្មាញ់បាញ់ចេញមកក្រៅ៕
ដោយ៖ ស.ស្អាត