ប្រទេសម៉ិចស៊ីកូ៖ មនុស្សយ៉ាងហោច៨នាក់បានស្លាប់និងមនុស្សជាច្រើនអ្នកទៀតបានរងរបួសនៅពេល​​ ទស្សនាការប្រកួតប្រណាំងឡានទំនើបដែលទើបនឹងកែឆ្នៃថ្មីៗ។ ឡានទំនើបមួយគ្រឿងដែលគេចាត់ទុក
ថាជាឡានចំឡែកនោះបានបុកលើទស្សនិកជនដែលកំពុងតែទស្សនា។ មន្រ្តីប៉ូលីសម៉ិចស៊ីកូបាននិយាយ​​
ថា ការត្រួតពិនិត្យគ្រឿងយានយន្តមិនបានត្រឹមត្រូវមុនពេលប្រកួតគឺជាបញ្ហាដ៏សំខាន់ដែលបណ្តាលអោយ​​មានគ្រោះថ្នាក់។ បើទោះបីជាយ៉ាងណាក៏ដោយនៅពេលក្រោយមកមន្ត្រីប៉ូលីសបានអោយដឹងទៀតថា ​​អ្នកបើកបរម្នាក់នោះបានពិសារជាតិស្រវឹង។

កងទាំងពីររបស់ឡានចំឡែកនោះមានកំពស់រហូតដល់១.​៥ម៉ែតដែលមើលទៅគួរអោយភ្ញាក់ផ្ងើល និងទាក់​​ ​​ទាញយ៉ាងខ្លាំងនៅក្នុងការប្រកួតប្រណាំងឡានប្រចាំឆ្នាំនៅក្នុងខេត្ត Chihuahua។ ឡានដ៏ចំឡែក​​នោះ​​បាន​បុក​​​ពីលើឡាន ២គ្រឿងផ្សេងទៀតហើយកិនជាប់ពីក្រោមកង់ដ៏ធំរបស់វា។ សាក្សីឃើញ​ផ្ទាល់ភ្នែកម្នាក់​​បាន​​​និយាយ​​ថា ឡានចំឡែកមួយគ្រឿងនោះបានឆ្លងផុតដំណាក់​កាល​ទីមួយ​​ទៅហើយបន្ទាប់មកឡាន​នោះ​ក៏​បាន​​​បន្ថែម​ល្បឿន​យ៉ាងខ្លាំងដើម្បីវ៉ាឡានទី២ ដែលនៅខាងមុខ តែជាអកុសលឡាន​នោះបានជ្រុលចង្កូតទៅ​ខាង​​​ស្តាំ​​ទើបធ្វើអោយមានគ្រោះថ្នាក់បែបនេះ ។​

លោក Carlos Gonzales អ្នកនាំពាក្យ អោយព្រះរាជអាជ្ញារប្រចាំខេត្ត Chihuahua បានប៉ាន់​ប្រមាណ​​​ថា​​​​​​​​ចំនួនអ្នករងគ្រោះមានប្រហែលជា៨​០នាក់។ លោកបានបន្តថាពួកគេកំពុងតែស្វែងរកមូលហេតុ​​
ដែលបង្កអោយមានគ្រោះថ្នាក់កើតឡើងនៅក្នុងពេលប្រកួតក៏ប៉ុន្តែសាក្សីមួយចំនួនបាននិយាយថា​​
អ្នកបើកបរឡានចំឡែកនោះបានបាត់បង់ស្មារតីគ្រប់គ្រងយាន្តយន្តរបស់ខ្លួនបន្ទាប់ពីក្បាលរបស់​
គាត់​ ត្រូវបានប៉ះទង្គិចនឹងផ្ទៃខាងមុខនៃរថយន្តយ៉ាងខ្លាំងទើបបណ្តាលអោយមានរឿងនេះកើតឡើង ​​។​
ដោយ៖ តុលា